利伸，第一日我就download左，叫做玩左兩日。冇沉迷，冇買花花，係覺得幾得意同幾鍾意隻 game。
起初玩係想知佢係乜東東，有乜咁吸引，等我同朋友間都有話題嘛。起碼琴晚兩圍朋友一齊食飯，大家講隻 game 都講到手舞足蹈。。。
我嘗試用第二個角度去睇呢個現象。呢隻 game受歡迎，都唔係壞事，有以下好處啩：
1. 大家為咗捉精靈而多咗運動。琴日有個朋友夜晚竟然一路玩，一路不自覺行左 5km！不過記得要小心，唔係就「金翅仆街鳥」，或者好似美國有個朋友咁，行行吓行咗去加拿大咁就唔好啦。。。
2. 各大商場同食肆可以話商機無限，隨時出啲乜嘢攻略，話呢度有精靈有大量比卡超，又可以吸引人流同生意。我冇記錯先兩日「財經透視」，就好似係講呢個課題，分分鍾遲啲可能上埋市。
3. 某程度上都叫做有啲集體回憶，呢隻「皮卡丘」話哂都係以前細個熱門睇嘅卡通片之一，起碼呢兩日社會上多咗歡樂氣氛 (好似係)
4. 電力公司應該好開心，隻 game 食電好快！我朋友琴日放工叉足電，玩到去食晚飯就得番 10% 咁大把，好誇張！仲未計電訊公司呢。。。
5. 電訊股又有藉口做好。隻騰訊 (700) 受惠又創新高，有得炒上落又讚下快錢 (本人無持有)
一窩蜂的熱潮，從來不用少見多怪。我記得以前白色「他媽哥池」(90後可能唔知佢係乜) 都可以炒到勁貴，跟住好快就冧晒價。唔知今次熱潮，又可以維持幾耐呢？
蘋果呢個 Pokémon GO Q＆A 幾好，一睇就明，新手值得一睇：