星期日，有時一個人喺屋企都會煮吓兩味，家常便飯又一餐。隨便和大家分享幾個快靚正的家常菜，都是易做好味且零失敗的噢。
「鴛鴦薯煎鯪魚餅」，經常做的啦：
買兩個薯仔，刨皮後一個半刨蓉，半個切幼絲，咁就有兩種口感。煎完後薯仔絲會脆卜卜，薯仔亦最好即刨即用，否則會易出水及變黑。
街市買 $20 有葱的鯪魚肉 (如果想再好味啲可以自己買鯪魚起肉再剁，當然難度再高啲)。將材料撈勻，加胡椒粉，粟粉，而調味的秘訣就是落 - 魚露，唔好落鹽，用魚露會鮮好多。
街市買 $20 有葱的鯪魚肉 (如果想再好味啲可以自己買鯪魚起肉再剁，當然難度再高啲)。將材料撈勻，加胡椒粉，粟粉，而調味的秘訣就是落 - 魚露，唔好落鹽，用魚露會鮮好多。
平底鑊放油，逐個魚餅煎香至熟，搞掂。食嘅時候可以配喼汁、陳醋或茄汁，大小朋友都歡喜。這是一個非常值得做的菜，可以花心思做出變化，例如加入蕃薯蓉、馬蹄粒等等，都好吃。
叧一項「蒜片炒紅莧菜」，重點是用靚蒜頭，唔好用蒜蓉，因為我唔係只要蒜蓉嘅香，係要食埋蒜片，蒜片也是主角啊。
蒜頭除了有殺菌及促進血液循環外，蒜素亦有助清除消化道的致癌毒素，增強免疫系統，對身體很有益。
買個靚蒜頭 (蒜頭拿上手飽滿漲卜卜，重手就靚) ，去衣分粒後一開二就 okay。中火落鑊爆香，落紅莧菜快炒，加鹽加少許水，蓋上鍋蓋約兩分鐘就食得，今次真係又補血又殺菌。
買個靚蒜頭 (蒜頭拿上手飽滿漲卜卜，重手就靚) ，去衣分粒後一開二就 okay。中火落鑊爆香，落紅莧菜快炒，加鹽加少許水，蓋上鍋蓋約兩分鐘就食得，今次真係又補血又殺菌。
另外之前有朋友在 FB 再問用電飯煲整「叉燒」的方法，即管再在這裏分享一次。
買條梅頭肉 (最緊要肉的部位靚！同街市「豬肉榮」講係攞黎做叉燒，佢就明)，用叉燒醬、生抽、玫瑰露及老抽醃過夜。想香口啲可以先煎一煎表面，將肉、葱段和醃過肉的調味料放入電飯煲，加少許水蓋過肉，按鍵煮至跳鍵，再按多一次，熟透就可以了。我就會搽蜜糖放入焗爐焗兩分鐘，又搞掂。
自己整的當然不及出面燒味舖的風味，不過在家自己整碗「叉燒太陽蛋飯」加甜豉油，食完都幾滿足同開心㗎。
好，下集再傾！
自己整的當然不及出面燒味舖的風味，不過在家自己整碗「叉燒太陽蛋飯」加甜豉油，食完都幾滿足同開心㗎。
好，下集再傾！