熟悉小弟的朋友都知道我喜歡一年快閃台北幾轉,主要係休息,食同瞓,像豬一樣 (相關舊文 一年去四次做乜?/ 我在台北之日常)。話時話,舊年12月飛嗰轉仲有數篇遊記未寫,會盡快執相趕工 。。。
留喺香港有時口痕都會去食台菜,除咗牛肉麵、擔仔麵,都會周圍貢吓。呢間舖是隨便進,開頭睇店名叫「綠野仙蹤」仲以為係食齋。。。原來主打食台灣菜,已有三間分店。
午餐是些不同種類的互相組合,送飲品,可加錢要小吃,選擇算多。「肉燥鴨脾新竹米」$52
先講肉燥,我覺得不合格,成 pat 漿糊,肉粒主要是免治豬肉,與傳統半肥五花腩肉粒有分別,味道不香,只有顏色:
鴨脾不錯,是先炆後煎,似「鴨扁肉」帶羶香,這才是吃鴨的精髓啊:
大腸要了腸頭,口感有更佳:
整體滷水汁甚香,大腸冇怪味,甚至有些似台北「程味珍」滷大腸厚身版 (相關舊文):
湯已被滷水染成深啡色,效果比肉燥汁好得多,擔仔麵掛湯力當然不及新竹米粉:
所以我覺得最理想的配搭,就是「滷肉片大腸新竹米」$52
「麻辣口水雞肉燥飯」$72,屬餐牌上較貴的項目:
口水雞附送「涼拌勝瓜」,算係「手拍青瓜」啲 frIend,蒜味極濃,再加麻辣 double 拍住上,食完真係呵氣如蘭。。。
「肉燥滷翼台式菜飯」$50
滷翼用相同的滷水汁,效果都很入味沒過鹹,滿有花椒八角香,且帶微甜,始終都是滷物好:
菜飯是在白飯裏面加少許紅蘿蔔粒及小棠菜絲,聊勝於無,對整體味道沒啥影響,要另加$5,倒也無傷大雅。
綠茶系列有「百香果綠茶」
「荔枝綠茶」
一系列的小食。先有心理準備,不是甚麼台灣地道或夜市小吃,若將它當做一般伴菜,心理上就不會不爽。「蜜汁燒花枝丸」$10
「素菜春卷雪茄」$10 兩小棒:
「椒鹽燒賣」$10,應該算是為港人設計的吧?!
我會歸類這店為「夏迎春」系列,即係有錢有假就飛轉台灣食食食,冇乜事幹在港來這裏也可止吓口痕,吃個滷水大腸 (不是肉燥),都止到吓咳。
「綠野仙蹤」
地址:尖沙咀廣東道33號中港城六座平台2號舖
電話:2336 6001
營業時間:06:00-22:00