標點符號的重要性 - 上海雲吞雞湯拉麵

爛 gag : 某爸爸看了小明的日記後大發雷霆，因為日記上寫：「叔叔錫了我媽媽，也錫了我。」爸爸問小明怎麼回事。小明說他寫錯了標點符號，應該是：「叔叔錫了我，媽媽也錫了我。」XD

好，言歸正傳。話說早前農曆年過後，好多餐廳都未開，食飯唯有行遠啲。離遠見到有間舖頭和卡通，叫「小籠家族」，開頭仲以為係寵物店。。。原來係食上海料理。

可能啱啱先過年初三，好多人都未返工，食店不算多人客。

若果旺場的話，睇環境擺設應該都會坐得幾逼夾：

想叫一鍋「上海雲吞雞湯」兩個人分，最後怕吃不下，決定散叫。

小吃「醬油小黃瓜」$32，出奇地還不錯吃：

侍應說是將細小的青瓜開邊，用自家製醬汁浸一晚，食落爽脆索索聲，豉油沒一股死鹹，這個可以考慮自己在屋企浸呢。

「雲吞雞湯拉麵」$38

上枱的時候，我同事說：「咦？點解冇雞？唔係上海雲吞雞咩？」

正確來講應該係「雲吞，雞湯，拉麵」，不是「雲吞雞，湯拉麵」，這就是標點符號的重要性。。。

好不好吃？雲吞是廣東式的散尾金魚蝦雲呑，麵似是日本拉麵，東拉西扯一碗，完全沾不上半點上海料理，三不像：

我挑了「雪菜肉絲拉麵」$38

蠻有茶餐廳 feel，就是早餐「雪菜肉絲米」那些東東，不過麵底轉了做偽 • 日本拉麵。呢間野主打係食上海菜噃，咁好食程度，大家可以想像到。

全店設加一，服務生都是些後生仔女，在人客不多時也比較 cool，別妄想會熱情招待。

食完埋單，同場加映在附近的涼茶舖，坐底飲了碗葛菜水：

阿伯非常健談，仲同我哋分享涼茶舖的趣事，逗得我們哈哈大笑。他令我想起剛才的侍應們，還是伯伯比較熱情和有人情味。我們一定會返嚟再幫襯飲涼茶！食拉麵就免喇。。。

「小籠家族」

地址：佐敦上海街62號地下1號舖

電話：2787 9397

營業時間：11:30-23:30

若你喜歡此部落格，也請你 like 一 like，感激！

https://www.facebook.com/siuyeahdragon