雖然我唔係潮州人，卻很喜歡吃醃菜和醬料，例如㰖菜、蜆蚧，會用來撈飯吃。西方的，我也喜歡醃小黃瓜 pickles，雅枝竹等，在屋企可用來送多士吃，可以煎蛋都懶得煎，呢啲真係要擺喺屋企看門口。
今次呢間粉麵店，現場目測它的即製腸粉、牛筋腩麵、雲吞等都甚受歡迎，當然仲有乒乓波咁大的 - 炸鯪魚球。
現在蜆蚧醬除了在內地生產，香港亦有醬園供應，例如「九龍醬園」、「八珍」等。若各位讀者怕蜆肉生，可以將它略煮約一分鐘，不單能保存蜆蚧的原味，亦可將蜆仔煮熟。
「炸鯪魚球」$28
新鮮熱辣炸起，手打魚球略帶陳皮香，巨彈牙感，佐以蜆蚧吃，絕配。我覺得就算點喼汁、醋、茄汁，也不會比得上點蜆蚧汁去提鮮那麼捧！比起配其他醬汁來得更渾然天成，沒有之一。
「豬膶麵」$36，膶大塊爽口無怪味，新鮮乃重點也。銀絲麵也沒多鹼水味，甚是爽口：
「鮮牛河」$36
牛一般，河粉就幾靚，好似視后「李佳芯」個洗頭水廣告咁順滑。。。略透米香 (因湯底味較清，頗輕易嚐得出來)：
吃時加些潮州辣辣油，更正 (吃湯麵我重來是寧願湯底調味較清，自行調味，好過飲味精水)。
加 $8 有碗糖水「桑寄生蛋茶」
呢度餐牌其實有不同套餐選擇，可自由配搭粉麵、小吃、飲品、糖水，啱哂心多多的朋友。座位在繁忙時間就要搭枱，店員服務殷勤的，整個體驗吃得開心就好了。
為了那美味的蜆蚧醬炸鯪魚球，我一定會再來！XD
「盛記粥麵」
地址：佐敦白加士街11號地舖
電話：2351 3018