龍少爺 : 服務好過食物？親子丼打孖上

2019年2月14日星期四

今日不如講吓日本菜。呢餐其實都算今年首餐生日飯，當時忘記影相；之後落去食多次，請我兩位好拍擋食飯，多謝佢地在工作上的幫忙。

去多一次呢間，因為近，大家趕時間回辦公室，不想行太遠。

在網上看到它的食評十分極端，有說極難食，有說好食到爆燈 5 5 5 5 5。。。咁我食過兩次，公道啲講，贈四個大字：「性價平平」，平過鄧月平。。。

中午套餐價錢其實稍貴，刺身質素算新鮮的，卻不會帶給你有 wow 的感覺。可取是服務殷勤有禮，整體就是吃 business lunch 的格局。

親子丼打孖上。「鮭親子丼」$220+10%

我點佢純粹因為有我的 comfort food 三文魚籽。唔知點解它令我想起「丼丼屋」，味道也類近，但它的飯就太黏，一舊舊，可以爽身番少少。整體份量不大，三文魚籽也少，一半用了蟹籽代替。

隨丼附送「三寶」蔬菜沙律、烏冬、麵䜴湯。淺嘗，沒多碰：

「親子丼定食」$160+10%

同樣附送「三寶」。雞脾肉加不太滑的蛋，調味淡，肉有雪藏味，汁少。不知為何，它又令我聯想起「吉野家」。。。(其實「吉野家」的煎雞飯加溫泉玉子有更好吃啊！)

之後有杯咖啡，沒甜品，又係商務午餐的格局鋪排。

個人應該不會再光顧了，反正尖沙咀以此價錢食晏有很多選擇。作為「就腳」，也會考慮另一間，sorry !

「Fukumura Japanese Restaurant」
地址：尖沙咀廣東道33號中港城平台三座02-03號
電話：2320 6822
營業時間：12:00-15:00, 18:30-23:30

若你喜歡此部落格，也請你 like 一 like，感激！