繼續新春系列。分享一下剛在 RTHK 1 開咪做的「開心日報」，今集拍檔有 Ada、蘭子、桂林哥，主題是「新加坡賀年菜」。
開咪當日是年廿七。每次做「開心日報」，我習慣是10:45am，帶著部 i-pad (在節目中 show 相片) 準時在旺角坐的士去廣播道。當天早上的貓樣，眼袋大過胸：
節目開始時，Ada 說這個題目啱晒佢，因為佢鍾意食新加坡菜，例如肉骨茶、海南雞飯、星州胡椒蟹，這些也是不少聽眾的心頭好。我在思考這集題目時，想講新年，又想得意 D。新加坡有約七成半人口是華裔，賀年菜也有些不一樣，所以就提議了這個起題給監製 :p
第一樣要講的農曆新年食物，就是「撈起魚生」。這菜近年在港也變得常見，大家都希望新一年撈得風生水起，攞個好意頭嘛！
相傳「撈起」是源於中國台山、四邑一帶，當地人喜歡吃撈生鯇魚肉；後來他們移居到新加坡、馬拉一帶，約在 1960年代就發明將生菜絲、西芹絲、紅蘿蔔絲等加入魚生，再加酸甜醬汁撈來吃，就此演變成為賀年食品。
新加坡人的「撈起」喜歡用油甘魚、三文魚魚生，加入白蘿蔔絲、紅蘿蔔絲、白芝麻、花生碎、五香粉、胡椒粉等。通常會把主食材整齊排列在大圓盤上，女侍應倒入各項食材和醬汁時，大聲說出吉利的說話：
食材倒入後，全部人就會用筷子將盤中的各種材料撈起，邊講「撈起！撈起！撈到風生水起！」，而且將材料夾得越高，象徵心願更易達成㗎，最好要企起身㚒到胸口咁高：
桂林哥話佢仲會企喺張凳度撈，咁就夠晒高啦 :p
新加坡華人也喜歡吃盆菜，寓意盆滿鉢滿，豐衣足食，而吃盆菜的習俗就是由香港圍村傳到當地。
這個「迷你版」盆菜，蘭子一見到就話個盤好靚，似皇帝用的器皿，唔似洗腳盆 XD
相信唔少朋友都有食過盆菜。它是將豐富食材一層層放進食物盆，倒入醬汁，一邊煮，一班人圍住食。通常會把最易吸醬汁的食材例如蘿蔔、豬皮放最底，外面就擺鮑魚、海參、花膠、髮菜、蝦、火腩，冬菇、蔬菜等；若跟足傳統仲會放雞、鴨、鯪魚球、南乳炆豬肉等等。
另一項當地人過年會吃的就是「年糕」，諧音「年高」和有長壽的意思。我叫蘭子估以下這個是什麼，它就估中是用豆腐包着白年糕，果然係有港姐的智慧。。。
這個是曾經在新加坡做廚師的大廚設計出來的年糕菜，下面用羽衣甘藍薦底。羽衣甘藍呢種粗纖維蔬菜，啱晒成日話有便秘，皮膚又好的蘭子 XD
除了一般煎蘿蔔糕、芋頭糕、椰汁年糕外，當地人也喜歡用星洲黒醬油炒蘿蔔糕，貴林哥話似「炒粿條」，仲教埋我哋講潮州話！
好喇，今集到此為止，希望分享美食之餘，也可感染聽眾過年歡樂氣氛。節目重溫：
https://www.rthk.hk/radio/radio1/programme/happydaily/episode/552468
大家繼續多多支持 FM92.6-94.4 RTHK 1 ，逢星期一至五，朝朝十點四，「開心日報」，下集見！👋🏻
