寫 blog 的好處，是可以為自己生活留下些點滴；翻查紀錄，
今次呢間「泉記」，可以叫做隱世，
上週末到 studio 試廣告造型，之後落大雨，我無帶雨傘，反正又未食晏 (已是 around 4:30pm)，就隨便入「泉記」食啲嘢，等停雨。
內裡是四個打對面單位，一般茶餐廳格局，賣的價錢都很大眾化。
侍應們和煮麵的大媽，看似是一家人，招呼對答都相當友善。首先有位後生哥仔招呼我坐，沒有推銷甚麼食物，卻相當健談。
他說：「出面落大雨，慢慢食，慢慢坐啦。」
「怕你悶，睇電視新聞台啦！」
室內冷氣其實幾夠，因為無人，蠻好坐。我先叫碗「兩餸車仔麵」$
選了蘿蔔、豬大腸、豬紅、配油麵。可惜豬紅、油麵賣哂，
蘿蔔清甜無渣：
大腸輕透滷水香，細細件無異味：
魷魚就相對較弱，是啤水那種，不入味，要靠咖哩汁打救：
食完，仲未停雨，睇咗陣電視。之後我行去對面一位大媽阿姨 (是同一店舖)，叫碗「牛腩河」。
阿姨：「唔好意思啊靚仔，兩樣今日都賣哂，
我：「咁要碗牛肚米，多色。」
阿姨笑答：「好，都正㗎！」
「五香牛肚米」$24 上場：
未算是很靚的金錢肚部位，炆得入味倒也真，也不失咬口：
米粉爽口，湯底也不令人口喝，吃得過癮：
食完再坐多陣，雨勢稍減，我真係夠鐘要走喇。埋單，
她：「哎呀無呀。咁啦，我幫你搵塊紙皮箱蓋，
她就在一大堆紙皮中，幫我找了一個最乾淨又擋到雨的給我，
即使食物味道有任何不足，人情味，已搭救。
「泉記茶餐廳」
地址：新蒲崗五芳街26號地下2A-2E, 1C-1D
電話：2320 0120
營業時間：06:00-18:00