合作企劃
如何提升你的網站效益

2018年5月5日星期六

2018-05-07 伏唔伏?$38 成隻乳豬加斤半海中蝦


有時碌碌下電話,都會有些特別發現。

話說不久前在某飲食平台,發現有非常平的團購,海鮮酒家12人龍蝦、鮑魚、片皮鴨餐 $1,388 全包,看似幾豐富,除開每人不過 $100多 (網上食評就一般)。




以為 $1,388 已經夠抵。打電話去酒家,接線阿姐話:「可以落到舖頭先再揀,再買。」好,一於咁話。



酒家位置在街尾,不算太顯眼。稱得上海鮮酒家, 當然除了小菜,少不了㓉海鮮供應。





踏入舖頭,發現另一個平出宇宙的組合, 起初我意為自己眼花。。。$38 有乳豬及白灼海蝦, 人數越多份量越多。 十人最抵,可得到全隻乳豬 (係成隻!) 及一斤半海蝦,集齊十人就最抵 (逢週五、六、假期及前夕要加 $30,即是 $68 )。




我當日有十人,本來擔心平得太誇,會伏。$38 又蝦又乳豬, 除開每人 $3.8, 就連街市自己買,點樣 DIY 都冇可能。本著身先士卒,試一試的心態,唔好食就豪 $3.8 俾佢啦。 因為此優惠不能與團購同享, 所以就果斷放棄 $1,388 餐。

酒家有許多其他套餐選擇,都不算貴。落單時,店員不停在 sell「阿拉斯加蟹」$4,000 幾蚊的項目,重覆幾篇「又大,又新鮮」之類。做生意,明白的;反正我也不想食蟹,只要不用理會那堆推銷的說話就行。










$38 組合先上蝦,有20隻,每隻有掌心般長,食落是爽口、彈牙。



要分辨得出蝦的新鮮度,必先從蝦頭開始。搣開頭部,完全無異味無古怪,實測結果是 - 真心不伏。

再上乳豬,原隻趴上枱,質素正常啦,偏肥 ;





當然是與「新斗記」$600 貴價乳豬無得比,也算正路的。$38 組合,收貨,就當食脆卜卜乳豬皮過口癮。

另點兩個餐,第一個 $468 有「濃湯壼黃泡菜苗、清蒸沙巴虎斑、薑蔥美國桶蠔煲、原盅鮮料燉湯」。




例湯本以為會是一般味精湯,大盅舀出10碗, 用了半隻雞燉, 再加鮮鮑魚。








味道偏淡, 少味精感。仲好啦,寧願自行放鹽調味。

「沙巴虎斑仔」蒸得唔錯, 魚夠新鮮,骨肉也剛分離:






「薑蔥美國桶蠔煲」,爆得夠香口,熟了的蠔都有中指般長,也肥美。唯一挑剔是蠔只有四隻, 唯有開心 share。





「濃湯壼黃泡菜苗」素顏上枱,沒有多修飾整色整水:





第二個餐 $448 包括「菜苗 (同上)、脆皮燒龍江雞半隻、金菇蒸巨大扇貝王四隻,胡椒蘿蔔煮龍躉」。

「蒸原隻扇貝」,每隻都有掌心般大, 有粉絲、金菇放面吸汁,不夠分的可以另點追加。





「胡椒蘿蔔龍躉」,出附意料地好。湯鮮,似蘿蔔絲煲鰂魚湯加胡椒蘿蔔牛腩味道,蘿蔔腍而入味,龍躉塊亦爽實:





酒家主打海鮮,以上海鮮類比較好吃,其他肉類相對較一般,「脆皮燒龍江雞」亦然:





另外散點其他飯類及小菜,正常酒樓價,還是套餐好。「漁香鮮肉碎茄子煲」$78, 原煲上臺,走油算靚:






「冰梅新骨」$98





「鮑汁菌皇燒豆腐」$78





「東瀛芥末一口牛」$98,呢味就強差人意,主要因為熱牛柳粒加入wasabi,令味道質感變得奇怪,入口攻鼻又嗆。 





經歷以上種種, 我建議還是食海鮮穩陣。

「揚州炒飯」$88 





自己帶紅、白酒都無問題, 開瓶費若不用冰桶的話是全免,白酒建議可以自己雪好再帶過來囉。

除了叫餸食飯外,同場可以揀海鮮打邊爐 ,不少食客也有點。




經此一役, 網上的團購12人餐就不再建議,因為酒家內平價組合蠻多,話唔定酒家的策略,就是要團購餐來吸引人流啦。

報告完畢!






「悅軒海鮮酒家」
地址︰佐敦德成街1-5號康源閣地下A及B舖
電話︰2376 2998
營業時間︰07:30 - 00:00


若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...