【酒店自助餐】大件夾抵食，非佢莫屬

來到五月尾，不如講吓今年母親節的午餐，到了屋企附近的「Novotel Citygate」酒店食自助餐。

呢間已經食過 infinitely 咁多次。。。一來地點近我屋企，二來是平到天邊的盡頭。星期一至五人均 $165，星期六、日 $207。食物花多眼亂，食得你飽，唔太差嗰種，分分鐘平過自己買餸煮飯嘅，又無飲茶咁悶蛋。

[提外話：我幾喜歡它的 Weekend Late Breakfast $98，在酒店小廳內吃 late breakfast，蠻舒服，懶洋洋的感覺。]

它中午自助餐有沙律、冷盤約十數款，大路的都齊備，以新鮮蔬菜、煙三文魚最受歡迎。

煙三文魚、凍火腿似係超市平的那種貨色，淺吃都 okay，還是吃新鮮蔬菜沙律好。

新加入的成員有印尼沙律「加多加多」，豆腐卜、雞肉、什菜，自己撈沙嗲醬，驚喜位：

壽司剌身及凍海鮮類，有一堆任夾，整齊的。海鮮有翡翠螺、藍青口、凍蝦等，花款較少，味道不伏，但就屬無乜鮮味嗰種。始終收費便宜，也不會要求選擇太苛刻，學子華神話齋，「等價交換」:

肉類有烤羊架、肉眼扒。特意邀請廚師切取肉眼中心部份，配上蔬菜及 gravy，DIY 的賣相也不賴：

酒店另一角落為粉麵意粉區，由廚師即席煮理，我吃得最多 XD 粉麵有豬骨湯、魚湯、泰式冬蔭湯選擇，細細碗似「船河」：

即煮意粉有 carbonara 墨汁意粉，芝士龍蝦汁 pasta 等，味道不俗。即叫即製不會差到那裡：

熱盤約有十數款，是比較弱的一環。蒸海鮮、咖哩系列、燒雞、炆豬手、蘿蔔牛腩、pizza 乜都有，味道大路啦，只怕你肚皮不夠：

甜品選擇就很多花款，有朱古力噴泉、各款蛋糕、奶凍、水果，都算靚仔。我吃了新鮮菠蘿，在屋企很少自己買來吃嘛。

正所謂大件夾抵食，慳水又慳力；百貨應百客，總有捧場客。此自助餐，始終是長爆。

「Essence」

地址 : 東涌文東路51號諾富特東薈城酒店大堂

電話 : 3602 8808 

營業時間：06:00-23:00

若你喜歡此部落格，也請你 like 一 like，感激！

https://www.facebook.com/siuyeahdragon