零食是辦公室不可缺少之物，有返過朝九晚五的朋友可能都有同感。做嘢做到悶悶地餓餓地，零食就是及時雨。
以前在舊公司，我諗都有五、六年前，我是無零食不歡，最喜愛食熱浪，而且每日都要吃餅乾，早餐午餐下午茶，一定要是某牌子的梳打餅，如果食晒冇存貨，我就會好緊張。。。另外又會在自己的 petition 設立一個零食角落，有嘢食有嘢飲有紙杯，星期五收工啲同事行過就會走過來飲返杯，吃吃花生吹吹水，也蠻自得其樂。
(找不到「零食角落」年代 office 的相片，只有這張另外舊照。以前張辦公枱大得誇張，仲有右手邊係落地玻璃睇到日落海景。不過返工地點是九龍灣，我住喺大嶼山。。。會否有點煞風景？！)
依家戒左食餅乾，零食都好少食了，因為食得多鹽份會口腫面腫，同埋食完橡皮糖，我就會變大頭怪的。現在反而喜歡在公司隊咖啡，提神又消水腫，各款口味的 capsule 會逐粒試。
以下這些零食是近排吃到比較特別的，都是同事買。這個從加拿大買回來的，是朱古力包住無花果，超，好，吃！
重點是我喜歡吃朱古力同無花果。好無聊的原因，是直接又正確。朱古力味道不會太甜，有時下午肚餓食兩粒又頂到肚。有冇人知道香港邊度有得買？？？
日本零食也有好一堆，我估有些在阿信屋可能有得買吧？！這個「東京香蕉」零食，已經演變到有第二、三代，蝴蝶酥：
這個裏面有類似香蕉蓉的「花花香蕉」版，十分受女士歡迎，真係要唱首「瓜瓜宇宙」。。。
卡樂B薯片日本版，代表日本八個地區，不同口味的薯條，包裝超精美：
我本身已很鍾意長頸鹿，這長頸鹿卡通造型扮鬼扮馬，好搞笑：
最好吃的是九州限定明太子味，同東北限定醬油味：
卡樂B蜜糖味薯片，甜甜地，少少鹹多多脆咁囉：
不過我發現有個共通點，就是現在的零食比較少鹹少甜，亦都會有些特別版去吸引人買。
大家又有乜嘢心水零食呢？
伸延觀看：金龜嘜萬里望花生廣告 (1988)。Very good，卜卜脆，試一包包你鍾意佢。。。