合作企劃

2015年11月1日星期日

2015-11-02 有發生過 - 十月號


又到了回顧上個月吃過的點點滴滴。唔知呢篇夠唔夠 45 個 likes 呢?有時覺得這個世界已經變得光怪陸離,乜嘢事都可能發生。好似前兩日睇報紙C1,頭條係陳茵媺懷有第三胎 (恭喜陳豪!),但有段編幅就訪問左個醫生,話陳豪三年抱三,性能力強係咪同咖啡有關呢??個醫生專家又好認真咁答:「咖啡其實係冇壯陽,亦都冇殺精嘅作用。。。」哦,咁查實成版新聞冇咗呢段,可以話對讀者係冇損失,社會就係咁,夠 juicy 嘛,明白的。

==============

十月二日 · 晴

襯得閒,拎部半壞不死的 iPad Mini 去旺角「先達」修理一下,依舊人頭湧湧,iPhone 6s 磁場效應。與其喺度等,不如對面等,就自己飄咗去對面馬路的米線店吃飯。




門面亮麗,原來是以韓潮包裝的雲南米線,定位有點新奇?!


食物有台式肉燥飯、雲南腩肉米線、韓國小食,學大姐明話齋:「真係乜都有。。。」


「小雲卷墨魚丸酸菜米線」$33



米線太腍,應該是煮好了一段時間了吧,有點爛巴巴,酸菜唔夠味,成碗嘢好油。


新張期間加一蚊可以換一隻韓國「都教授」雞翼,醬汁可以揀激情味 (泡菜香辣醬)、柔情味 (泡菜柚子醬)、純情味  (泡菜沙律醬)。睇醬汁啲名我仲以為係揀 condom。。。



我揀咗「激情味」,係幾惹味激情。順帶一提,侍應生服務非常好,值得一讚!

==============

十月七日 · 轉涼

這天要替一項 corporate event 擔任司儀,稿在前一晚已經準備好,臨場表現駕輕就熟。



現場有不少 canapés 招待嘉賓,沒有吃太多,我習慣上台之前多數是空肚,只會飲咖啡或茶,我空肚上台是不會胃痛的 XDDD











==============

十月十日 · 晴

做完 D100 電台訪問,路經灣仔,本來想食碗牛河暖暖肚,看了菜牌,食物選擇蠻多,又唔係太貴,即時轉戰牛坑腩!


「法式鮮茄牛坑腩飯」$46



唔係好識評論越南當地的法式牛腩係咪咁嘅味,顏色就好藥水吓,汁好杰,似大xx快餐,就是這樣。後來我上網一查,原來它在港九有很多分店㗎。

==============

十月十八日 · 有雨

近排又迷上精品咖啡 (大家記得咖啡係冇壯陽亦冇殺精作用的。。。)



在健身房附近新開了一間叫「Colour Brown」,立即入來試一下手沖咖啡。





和老板閒談了幾句,原來這鋪頭以前在西貢,也儲落了一批 fans,這天我來到有些 fans 是專程入來新店喝咖啡的呢。


咖啡豐儉由人,$30 多元開始有交易,品種選擇非常多,有興趣的朋友值得來一試。


==============

十月廿五日 · 晴

我是一個很喜歡吃豬膶的人,以前返工地點有一間茶餐廳的「豬膶麵」做得不錯,燙得剛剛熟,切得厚,又起沙,這晚就來重溫了,依舊好吃。


另外要了碟「西芹炒斑球」,好下飯,也夠鑊氣。



埋單幾多錢?忘記了。。。$100 有找!

==============

十月廿七日 · 炎熱

約了「可口可樂」及公關們吃午飯聚聚舊,到了山頂酒吧餐廳。


近排自己的飲食比較節制,所以簡單地吃了「蕃茄水牛芝士火箭菜沙律」$92



另一同伴的「香煎帶子牛油果沙律」$118 看來也不錯。


這天很開心收到他們的 surprise,是一本手做相簿,收集了我一些和「可口可樂」理念相同的照片,並親手寫了很多有意思的字句,十分感動 :-) #mycokestory







再次多謝你們的心意,期待與你們分享更多歡樂的時刻!

==============

好啦,一口氣分享了六段小片段,沒有太 juicy,希望大家喜歡,應該有 45 個 likes 的 :-)


「小雲川」
地址:旺角通菜街107號地下
電話:2338 8584

「大叻越南牛肉粉餐廳
地址:灣仔蘭杜街8號地下
電話:2527 6788

「Colour Brown」
地址:佐敦官涌街10號地下
電話:2791 7128

「五龍粥麵茶餐廳」
地址:中環租庇利街17-19號地下
電話:2851 8861

「Peak Café Bar」
地址:奧海城二期G73A-B舖
電話:2740 4822



若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...