合作企劃

2014年11月5日星期三

2014-11-06 金話莓系列:近來吃過一堆頹飯 (下)


翻查一下手機的相片,原來鄙人也捱過了不少頹飯,所以我都唔知呢一篇算唔算係最後一集。。。承接相關舊文 (2014-10-10 金話莓系列:近來吃過的一堆頹飯 (上)2014-10-16 金話莓系列:近來吃過的一堆頹飯 (中)),繼續去片。。。

實在很難想像這是我當年喜愛吃的銅鑼灣車仔麵「X記」,招牌辣汁的味道退步了,賣相同樣是亂糟糟。。。我要了牛腩、豬大腸及生菜加辣汁,大腸有怪味,一上桌已經倒胃口了吧。。。




這天在「海X粥店」,隨便來了個快飯,門口大大隻字話主打魚湯米線,咁好啦,即管試了「水餃魚湯米線,可惜湯底淡茂茂,就如開水一樣,唔知係咪煲魚湯的時候d魚游走曬呢?下次還是來吃粥好了!



唔講真係唔知,這碟乾爭爭的意粉是「巴西雞扒焗意粉」,well,我覺得似吃豆干多過似吃雞扒。。。



另外一間在觀塘的車仔麵店,名字忘記了,叫了個「三餸套餐」,要了魚蛋、生菜及雞肉腸。唔知係咪雞肉腸好貴呢?!我只得到了三分之二條,但又多了件炸豆腐,湯汁少得可憐像撈米粉。。。其實我懷疑呢碗野係唔係我嘅呢?!



有時食燒味也要撞手神,四小件隔夜叉燒搭兩塊紅腸,冇額外調味品例如辣椒油,真係搞佢唔掂。。。$30 唔該。




白汁菠菜司華力場焗意式長通粉」,好亮麗的名字啊,不過通常個名長都唔方係好野。。。菠菜變成了茄喱啡,又焗到乾爭爭,唉,想點?!



好啦,今日講住咁多先,睇來好快呢個題目會開始 season 2。。。




若你喜歡此部落格,也請你 like 一 like,感激!
Related Posts Plugin for WordPress, Blogger...
合作企劃