龍少爺 : 2012-02-24 地踎大排檔

2012年2月24日星期五

話說上週六獨個兒到尖沙咀取文件，搞掂時大約 4:30pm，肚皮有點打鼓；但飯局又約了在 6:30pm，不想飽著肚子赴會，所以就決定打打附近小店的主意，到海防道街市「德發」整碗乒乓牛丸過過口癮 (舊文 2011-07-04 燃點起醬爆心中的一團火...)。

到過海防道街市的朋友都知道，入面幾間大牌檔爭生意是爭到頭崩額裂。要行入「德發」，必先要經過「仁利」，所以「仁利」在位置上是佔了點地利，食正條水。

急急腳衝到入面的「德發」，嘩，全院滿坐。正當進退兩難之際，「仁利」的肥老板就發功：「埋嚟坐，埋嚟坐，一樣㗎！」明知你當我羅拔，點會一樣呀，都唔同名。不過見老板你咁落力兜客，幾大就幾大，燒賣就燒賣啦。

一坐低已看到「仁利」的名物 - 老闆自製蝦米辣椒油。辣油內有粒粒蝦米、瑤柱、花椒等，用來醮牛丸應該會不錯。

「剩牛丸」$24

一個印有「仁」字黃碗火速被奉上，速過「速治靈」。牛丸吃得出有兩款：一款是剩牛肉，質感平滑，口感彈牙；另一款是混合了牛筋的牛筋丸，外貌及口感均較粗糙，較有嚼頭。

個人覺得「仁利」的牛丸不及「德發」的彈牙爽滑，但它的牛筋丸則較得本少爺歡心，牛味濃郁，有點像吃將牛腩變做圓形的「分子料理」；加上有皇牌辣椒油坐陣，總算與「德發」是各自各精彩，各有棒場客啦。

「蛋牛治」$12

大排檔的多士、即製三文治一向有一手，來多一客「蛋牛治」。

麵包算軟熟，可惜蛋與鹹牛肉都下得不夠多，令人有點黯然，與自己在家弄的三文治無兩樣 (可能自己整的會更好吃，起碼蛋我會下多一隻)。$12，可接受啦。

埋單走人是看見有一大盤炆牛筋放在枱上「吹吹風」。

肥老板道：「係呀！牛筋用柱侯醬炆足四個鐘㗎喇，吹凍之後剪開佢呀嘛。」

龍少：「我想影張相。。。」

肥老板：「得得得，記得幫我擺上網喎！記住我地係「仁利」，唔係「德發」！」

收到。擺咗喇！

* 外賣自家製辣油 $60 / 樽

「仁利粥粉麵」

地址 : 尖沙咀海防道390號熟食檔8號舖

電話 : 2376 0771

若你喜歡此文，也請你到 facebook 專頁 like 一 like，感激！