承接上一回 相關文章，今回分享在「北角海逸酒店」的中菜體驗。
.jpg)
我有家人住北角，有時和長輩們 casual 中午快見面飲吓茶傾吓偈，又唔想佢哋行，都會去這酒店的中菜廳「逸龍軒」。以下是其中一餐，BTW 這裏出品水準非常 consistent，就是：好壞參半。。。
選擇這裏勝在中午實有位，唔使訂，地方都算闊落，坐得舒服嘅，就是有點殘舊的感覺，我們也不太介意。
小菜選擇都算幾多，四星酒店價錢，味道不知如何；不過餐牌設計等等都比較老土，branding 可以 modernized 一點：
中午 default 「前菜」HK$28，是一小碟有話梅粉的番石榴，正常嘅：
整體做得好的部份是湯水，「逸龍燉湯」HK$98 / 位
材料有土雞、瘦肉、瑤柱、淮山等，味道清甜沒味精，而且去晒油份，啖湯飲落暖胃舒服：
「竹笙瑤柱花膠灌湯餃」HK$88 / 位
這裏的灌湯餃是「湯在餃外」，放在湯盅裏的變奏版，湯頭是鮮甜雞湯，花膠略嫌不夠腍，整體我覺得還是 OK的，嬴在湯水上：
其他點心出品就不敢恭維，「XO醬炒腸粉」HK$58
呢個照計沒有失手的理由，我喺屋企都成日自己炒XO醬腸粉。。。
佢出品上枱係熱嘅，卻唔夠香，同埋味道很淡，腸粉中間近乎有色無味，估計是預先做好，有人落單之後就翻炒，不過又未炒得勻循，有些似微波爐翻叮的感覺，調味亦可以重手啲：
「椒鹽九肚魚」HK$88，呢個完全不建議點，我覺得是災難級：
粉漿厚，油淋淋，夾下去表面係會出油，同埋重點係完全無椒鹽味，淡到一個點：
不想浪費食物就唯有切開粉漿不要，只吃裏面的魚肉，及問侍應拿了一碟喼汁用來點魚肉吃，都只是吃了一半要放棄：
「川式口水雞」HK$78
又係調味好淡，唔夠鹹唔夠辣唔夠麻，辣椒油碟底滿滿又係唔辣的，成件事好奇怪。。。
我諗寧願揀佢燒味部油雞、豉油雞嗰啲，可能會穩陣啲：
連「座位費」HK$20 / 位，加埋一呢餐人均埋單 HK$263，係未飽嘅出品食落去唔係太對板，都唔係想再嗌，唔通又再飲湯咩？
===========
另外見到呢度有中午點心放題，訂座預付 HK$188 /位已包加一，可以任食3小時，仲要每位送「原隻鮑魚扣花菇」及「紅燒皇子鴿半隻」，長者也才 HK$158 / 位：
任吃點心選擇依書直說，有金邊鮮蝦餃、蒜香蝦春卷、蜆芥鯪魚球蟹籽燒賣皇、金雞咸水角、冰燒三層肉、黑松露冬菇包、豉汁蒸鳳爪、青瓜雲耳燻蹄、遠年陳皮牛肉球、秘醬金錢肚、川式口水雞、黑毛豬叉燒包、羅漢上素腸粉、潮式蒸粉果、荷香瑤柱珍珠雞、鮮蝦菜苗餃、御品紅棗糕、香滑流沙包、黃金脆魚皮、普渡上素餃野菌腐皮卷等等，仲有濃湯海皇泡飯、鮮蝦米網腸粉、馬來星洲炒米、逸龍一品炒飯、蛋白杏仁茶、珍菌古法炆伊麵、蛋黄蓮蓉金桃、干炒安格斯牛河、濃湯浸時蔬等，汽水及田園鮮果汁也是任飲。
照牌面睇，應該點心放題是個 better deal，人均價錢平啲又送鮑魚、乳鴿又乘；不過見到上榜又有「川式口水雞」，怕怕。就算選擇多，出品卻係災難級都沒用啦。或者有人試過，不妨可以分享吓？
「逸龍軒」
地址：北角英皇道665號北角海逸酒店3樓
電話：2633 8899
營業時間：星期一至五 11:30 - 16:00，18:00 - 22:00；星期六至日 10:30 - 16:00，18:00 - 22:00
沒有留言:
發佈留言