合作企劃

2018年9月3日星期一

《旺角》: 即蒸潮州皺皮腸粉


我第一次食「皺皮腸粉」,不是在潮州,是在廣州的「上下九」,都有十幾年前。記憶中係幾蚊人仔,其貌不揚,材料簡單,卻比一般港式布拉腸粉更有米香,來得煙韌。





有說皺皮腸粉源自潮州,或台山,實際不得而知。它是用櫃桶式鋼盤將米漿及配料蒸好,鏟起粉皮,將之扭成麻花狀,形成「皺皮」狀態。


此店在先達對面,呢個位的餐廳一向做唔長,例如之前有台灣菜 (相關舊文),又有韓國菜,內槓裝修幾乎一模一樣。今次有隔離鋪的「潮成園」照住,一連兩舖甚有氣勢,能否改變宿命?




舖名原本叫「潮成園潮州櫃桶腸粉粥店」,剛又改了名,食物選擇擴闊了。咖哩啊,粉麵類都有:



一般粉麵店格局,若人多,會坐得迫:



這裡主打圓形飛碟狀的潮式腸粉,用自家磨米漿,配濃湯加五香粉熬成的芡汁。

腸粉最平 $28 有交易,先在通菜、芽菜、生菜、西洋菜四揀一做餡料,腸粉本身已經包含豬肉粒和雞蛋,另外加錢可加叉燒、豬肉、蝦仁等等;若果不加餸的話就已 okay 點完,落單後就要等約10分鐘。

生菜潮州腸粉」$28 上場,送冷熱飲品一杯 (最後我忘記了點飲品!!!)


腸粉非常大兜,巨大 UFO 般,腸粉幾滑,帶些少煙韌。因為配料太細碎及不太濃味,反而吃到有淡淡的米香。


自家調芡汁無論質地、味道都很濃稠,卻沒鹹得過份,good fit 的。



生菜是理想的選擇,爽脆,混進腸粉中,口感蠻豐富。除非你很餓,否則不用加餸已很大碟。

潮州手打魚蛋粉」$20


魚蛋粉是潮州的經典, 價錢也不貴,來到怎能不打個卡?面頭有到有唐芹、蔥、冬菜作點綴。

魚蛋及魚片有手打的彈牙感:




河粉也靚,滑溜幼細:


最緊要梗係要加些潮州辣椒油啦!溫提,辣椒油都幾辣,勝在炒得夠香,點一點好提味,$20 一碗絕對收貨。


快食快閃的食肆,沒有多服務,也沒甚所謂。在旺區能吃到優質潮州腸粉,過過癮,確唔錯。



「潮成園」
地址:旺角通菜街107號地下
電話:2577 6899



若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...