合作企劃

2018年9月16日星期日

《港台節目》開心日報 - 貴州全羊家常菜


分享一下上星期在 RTHK 1 開咪做的「開心日報」,主題是「貴州全羊家常菜」,今集拍檔繼續有超人,Ada,仲有好耐無見的蘭子!



認識蘭子5年了,她是我書本「五味樂緣」的嘉賓之一,好耐無同佢在節目中碰面。今集三位主持都是吃羊之人,講得特別起勁 XD


貴州位於雲貴高原,在四川、重慶南邊,少數民族佔人口三成,九成的面積是山地和丘陵,一年又有一半時間落雨,所以學超人話齋,是「地無三里平,日無三里晴」。亦因為少數民族會飼養羊羣,羊自然是貴州人主食之一。





(維基 / 百度百科圖片)

今次分享的貴州餐廳在旺角,主打吃羊及其內臟。首先來個入門版「羊肉粉,是當地的家常菜式:


湯底用羊肉、羊骨熬成,配羊仔肉,粉似米線。食之前要落豉油、辣椒粉、鹽、花椒粉:


正宗食法係一啖粉,一啖生蒜頭咁食。蘭子話食完碗粉就唔好約見夢寐以求的男人喇,因為怕會週身騷味同口臭 XDDD


叫得做「全羊宴」,梗係有進階版,就是一系列內臟,例如羊眼、羊睪丸、羊鞭、羊胎盤等都有得食,坊間少見,大家講到眉飛色舞:

(店方圖片)


最大膽係蘭子,佢鍾意食魚眼,唔驚食羊胎盤,又提議羊眼可以用避風塘橋底辣蟹方式來炒!超人就話可以考慮用薑蔥來爆羊眼。。。最細膽係 Ada,佢坐我對面,我見佢一路講,一路膽戰心驚的模樣 :-D


餐廳其實是將羊眼放湯,我的女仔朋友食咗 (小弟都唔夠膽食),感覺⋯⋯沒有如魚眼的啫喱,反而似雞軟骨,食落 pop pop 聲,亦沒什麼怪味道,能否「以形補形」就信不信由大家。

我就食咗「羊鞭」,一碗六小粒,係條鞭的不同部位。起初侍應阿姐仲落漏咗條鞭,搞到我搵咗好耐!真心講,味道唔錯,不同部位又有不同口感,食後感大家可以聽節目回顧,或之後的另文分享 XD


今集好似重口味咗少少,不過香港可愛之處就是可以吃到不同地域的傳統美食,感受當地文化。


好喇,詳細食評稍後另文分享,今集我自己聽返都覺得瘋狂搞笑!節目重溫:


下次再同大家分享更多有趣的飲食體驗。大家繼續多多支持 FM92.6-94.4 RTHK 1 ,星期一至五,朝朝十點四,「開心日報」。下集見!👋🏻





若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...