龍少爺 : 【韓國喜事多鑼鑼】檸檬柚子炸雞 vs 鹹蛋黃炸雞

2018年6月14日星期四

呢排韓國都算喜事多鑼鑼，先有金仔同侵侵簽無核化協議，今晚世界盃開鑼有亞洲代表南韓，星期一對瑞典，要踢返場好波！

韓國的飲食品牌其實近年都紛紛進駐香港，韓風都算係停不了，過江龍就有這間「Sodam Chicken」。

之前小弟出韓餐廳著作，食 40間香港韓國餐廳，有很多都有炸雞供應，我都有血有汗地食咗唔少。。。

講返呢間店。它在首爾是著名連鎖炸雞店，擁有 70多間分店的，蠻受年輕人歡迎。香港的第二家分店進駐在中環的藝穗會旁：

它樓高兩層，裝潢以型格時尚韓式酒吧風格為主：

職員會主動與人客聊天，提議菜式，十分友善及健談。

單點項目不及吃套餐划算，挑了二人套餐 $398，已包以下食物及兩杯非洒精飲品，份量蠻大。

飲品分別挑了「凍蜂蜜檸檬綠茶」

及另加 $25 轉做「Whisky Highball」(原價 $88 / 杯，用套餐加錢轉比較抵)

兩杯都是凍飲，預備迎接嚟緊的炸雞。

好，先上頭盤「凱撒沙律」

沙律菜、車厘茄、煙肉脆，沒有下焗麵包粒，反而面頭有很多芝士碎，令沙律略帶韓風。菜很新鮮，食落口是「爽爽」聲，而且我個人不喜歡下太多沙律醬，所以甚欣賞它將沙律和醬分開上的做法。

小吃「紫菜薯條」

薯條連皮切成半粗條，吃得出是新鮮炸起，上枱時熱烘烘，灑上一巴幼鹽和紫菜粉，十分脆口，配凍飮最好。

主菜「雙拼炸雞組合」

挑了黃金鹹蛋拼檸檬柚子口味。每款炸雞有六件，已去骨。韓國本身有出產柚子蜜，與檸檬汁混合後淋在雞上，酸甜令剛炸起的雞肉吃起來多一重層次感，也減少油膩：

我選擇乾脆戴起手套，用手拿來吃，投入感更高。肉嫩滑，炸功不錯：

近來鹹蛋黃大熱，由魚皮申延至炸雞。

味道更濃烈香口，像有層黃金砂外層，不會一股死鹹，記得要趁熱食。

它與檸檬柚子炸雞，各自各精彩，各有捧場客。

整體吃後感是，食物質素不錯，價錢收費合理，地點也就腳，會是朋友們吃飯聚會或 Happy Hour 的好地方。捧今年南韓隊的波迷們，不妨來傾吓世界盃，食吓炸雞，特別有 feel XDDD

「Sodam Chicken」

地址：中環蘭桂坊雲咸街31號地下

電話：2905 1668

營業時間：11:30-22:00

若你喜歡此部落格，也請你 like 一 like，感激！