合作企劃

2018年4月14日星期六

2018-04-16 沾仔記的對手?肥仔記 - 鵝腸滑牛麵


吓話題,講返香港。




西營盤擁有老區魅力,除了保留古舊街景,也有沿途街坊食店,之前有分享過 (相關舊文),其中另一間叫「肥仔記」。

不是刻意比較,此類型麵店最有名的該算是「沾仔記」吧?!由我初出茅蘆出來工作已在吃,仍是賣招牌滑牛、雲吞、巨鯪魚球,現在雙併 $44,個人覺得以一碗粉麵來講是貴到一個點,係咪就黎會上市?!?!




至於呢間「肥仔記」呢?外貌頗有「沾仔記」影子,單拼 $18 、雙拼 $23,平近一半,選擇方面亦較多。牆上有列出一整排,慢慢揀。好食否?




雲吞拼牛腩」,正常水平,雲吞的蝦不是特別大,算爽彈,一口一個。




我覺得好吃雲吞的精粹不在 size 大,像蝦餃一口一粒剛剛好。有啲大到乒乓波咁,兩三啖先KO,餡料跌出來,外層又散開,一來失去吃傳統雲吞的神粹﹐二來又會食到淥嘴。


雲吞都是由店內大媽們包的,在門口可以見到她們包到無停手,話咁快包滿一盆,包雲吞技藝有返咁上下。我猜舖頭的雲吞應該在街坊街里間有相當多棒場客?!因為見到有不少街坊過來買生的淨雲吞回家煮,可能用來打邊爐或者淥粉麵。



另一個重點是,可以找到特別的餸,好像「鵝腸」,我雙拼滑牛。




打邊爐或街坊小炒才見到的食材,在麵店找到。鵝腸在準備上有點麻煩,所以一般都係出街食。

鵝腸有人喜歡吃肥,我鍾意爽身。簡言之爽脆、乾淨,最重要是沒有異味。一碗聊作過口癮,收貨的。




沒有眼花,豆漿 $1 杯。今時今日,$1 都唔知買到乜 (學生的話直接會送)。雖是大路來貨,味道正常,又係良心價。






辣椒油也不賴:



有時覺得平民食店,平快又正常,要吃名氣不如支持小店,俾錢時起碼開心啲。




「肥仔記麵家」
地址︰西環西營盤皇后大道西273號地舖




若你喜歡此部落格,也請你 like 一 like,感激!
Related Posts Plugin for WordPress, Blogger...
合作企劃