合作企劃

2015年12月27日星期日

2015-12-28 辦公室的生活點滴 (九) 冬至飯


所謂「做冬大過年」,雖然我的部門有些是外籍人仕,他們也會入鄉隨俗,每年大家一起開開心心食餐冬至飯,因為之後的聖誕,他們通常會放大假,或會回家鄉,所以這餐飯也可以當作是聖誕聯歡。




其實在奧海城食飯開始食到悶,有時我們會落 Elements,選擇比較多 (要記住,多不一定代表好)。 剛剛奧海城開了新餐廳「樂天客棧」,這次不用傷腦筋,乾脆大伙兒去吃新嘢就好。


這天中午飯我們叫的份量蠻凶狠的,好像在吃晚飯一樣!此餐廳部份小菜有大中小之分 (L / M / S),分量由食客話事。「手功海鮮豆腐」$58



味道與質感都似煎蘿蔔糕,表面就多了一重椒鹽味,大家都覺得這個相當好吃。

「阿婆苦瓜炒蛋」,唔知「阿婆」係邊位,估不到 $58 有咁大碟:



「咖啡脆雞」$86 (S),呢個唔掂,好彩淨係叫咗碟細。味道苦苦地,調味甘甘地又怪怪地,很大的進步空間!其實雞是炸得不錯,似 bufferlo wings,浪費了好炸功。



「泰式燒豬頸肉」$82 附現成泰式甜辣醬,穩穩陣陣,是多佢一碟唔多,唔食又冇損失嗰種咁囉。



「乾貝菜膽竹笙燉老雞」$168 / 盅,我們八過人,每人分到兩碗。鮮甜,已去油,不太覺有味精,抵飲。



「排骨王」$176 (L),這個非常好吃!半肥瘦豬扒,炸得熱辣辣,酸酸甜甜,好下飯。



「砂煲花菇西蘭花扣海參」$360 (L),是餐牌上比較貴的項目,海參分量蠻多,整體味道我只是覺得一般,好深色,卻冇乜味,變咗眼睛與舌頭不協調。



「金銀蛋浸菠菜」$117 (M),賣相醜,味道同樣沒有好到哪裏,鹹到呢。。。


「蒜蓉炒西蘭花」$93 (M)



「海鮮皇炒飯」$176 (L),飯粒炒得分明,也吃得過。



「泰式海鮮炒米粉」$176 (L),相比之下呢個又好唔掂,白雪雪,冇味的,哪來泰式?!



後加的「黃金蝦球」(S),沒有吃,外籍朋友總是會喜歡這類炸的東東。



送的甜品,好睇唔好食,又係冇味的,奇怪。


此新餐廳出品好壞參半,有好好味,又有相當差,質素有很大的差距。是不同大廚的問題嗎?我是會再來的,會叫返好味嗰幾樣囉,都唔使等下年冬至嘅。


「樂天客棧」
地址:大角嘴奧海城二期UG09號舖
電話:2177 0760




若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...