作為愛煮一族，雪櫃的冰格裏一定會有雪藏肉類，例如雞翼、豬扒、雞扒等等以備不時之需。冰鮮肉類產品如要煮得好吃，去雪藏味一定是重點，我自己習慣就會下調味雞汁去腌肉。宜家更有新包裝，每次腌肉煮餸、只需要一包，不但可以去除雪味，也可代替鹽及豉油作調味料，簡單方便，節省不少功夫！
材料 (二人份量)：
雪藏雞扒 兩塊
史雲生調味雞汁 一包
菠蘿 兩大塊切件
砂糖 少許
煮法：
1. 先將雪藏雞扒用清水洗乾淨，解凍至柔軟
2. 雞扒用史雲生調味雞汁拌勻醃15分鐘，令雞扒入味，備用
3 將雞扒放在錫紙上，雞皮向上，入焗爐用200℃焗十分鐘，至表面呈金黃色
4. 在一預熱的鍋上放入砂糖，慢慢煮成焦糖漿
5. 將焦糖漿塗在菠蘿面上，放入焗爐
6. 將雞扒反轉，與焦糖菠蘿同時焗五分鐘，至雞扒全熟及焦糖形成脆皮，即可上碟，吃時雞扒可以佐以焦糖菠蘿同吃
美味小貼士：若果不夠時間用室溫將雪藏雞扒解凍，可以將雞扒放進微波爐，用解凍肉程式叮大概十分鐘。今次伴以焦糖菠蘿作配料，酸酸甜甜脆皮，與皮脆肉滑的雞扒互相呼應，是相當滋味！