龍少爺 : 2012-12-27 莫斯科之後

2012年12月27日星期四

再來「中國餸」，一為平，二為不用開瓶費，三是因為在二樓，麻麻甩嘈嘈閉都唔怕，實在難以想象在老蘭會有如此不搶錢的食肆。

這次六位團友重聚，先來支 vodka 熱熱身，喚起莫斯科的回憶細胞，轉眼又成支飲哂，好驚！

「沙參玉竹煲豬展」

大家似乎都覺得 vodka 好飲過碗湯。不差的，無味精。

下酒小吃「椒鹽小豆腐」及「南乳燒雞翼」，雞翼弄得非常好，總之這BB仔餸是少少鹹，多多脆就是了。

肉類先有「蒜香牛仔骨」，後有「翠綠黃金蝦」。

我覺得牛仔骨的蒜蓉料頭可以下多一些，令它更香口。黃金蝦則是鹹蛋黃淺淺一層輕包爽口蝦仁，輕易地鯨呑數隻。膽固醇，誰會記得它？

「豉汁帶子蒸豆腐」，滑豆腐配鮮美豉汁，唔可能唔點白飯啦。

海鮮類還點了「香燒銀鱈魚」及「蜜汁燒脆鱔」，明顯地燒鱔更得大家歡心。鱔已起骨，燒功到家，焦脆帶蜜汁甜美。

「蜆介薑蔥滑雞煲」，蔥蒜料頭重手，蜆介經熱煱洗禮後更能將香氣發揮，比起齋點鯪魚球的蜆介醬，香氣分別非常明顯。

少不免來些蔬菜類，「蒜子上湯浸菠菜」，「西蘭花肉片」，穩穩陣陣無失手。

最後還送上紫米露及木瓜雪耳，埋單人均 $100，在晚市來說是划算到不能。我們下次會再來的噢！

「中國餸」

地址 : 中環蘭桂坊和安里6號地下

電話 : 2810 4040

若你喜歡此部落格，也請你 like 一 like，感激！