2018-02-13 台灣必飲之選

台灣多嘢食亦多嘢飲，飲料店總有一間係左近。咖啡店、茶店、或者手調飲品外賣店、夜市果汁檔。款式多、價錢平，每次去台灣，是必飲料不離手。 細個從來唔會食苦瓜，直至去台灣旅行，成班friend都話要試飲苦瓜汁，無理由唔飲嘛，就咁第一次同苦瓜結緣。之後每次掃完街或者食完麻辣火鍋，苦瓜汁、白玉苦瓜汁或者蜂蜜苦瓜汁，都係我嘅台灣涼茶。

喺台灣最鍾意飲ge飲品#蜂蜜苦瓜汁

@ i_loveeatingfood 分享的貼文 於 PDT 2017 年 6月 月 22 日 12:33 上午 張貼

台灣啤未必係我地旅行時必飲之選，一開始都係俾台灣啤個包裝吸引住，設計有啲七、八十年代feel，台灣本土風味超濃。口味仲好多，有金牌、經典、鳳梨、芒果等水果口味。去路邊攤買袋滷味，襯埋罐台灣啤就係宵夜絕配。宜家咁興手工啤酒，有時出嚟飲嘢，又或者去啲可外賣飲品、食品嘅網頁，都會特登搵吓啲有台灣口味嘅手工啤過下癮。 芭樂喺台灣盛產，當地人屋企實有一個看門口嘅水果。多到會用嚟榨芭樂汁，或者加埋柳橙，兩溝成芭樂柳橙汁。兩款亦係我嘅大愛果汁，清甜而不膩。果汁檔一開舖就走去整番杯，當係晨早嘅refreshment。就連便利店、超市都有各牌子嘅製成品，臨走時必去掃貨，再運返香港慢慢嘆。
 

Guava #芭樂

rainbowintaiwan（@thingslandt）分享的貼文 於 PST 2018 年 1月 月 31 日 3:13 上午 張貼

香港人飲茶，通常係指去茶樓水滾茶靚、一盅兩件，醉翁之意在於熱熱鬧鬧聚一聚。喺台灣嘆茶就完全相反，鍾意茶店悠靜，一邊睇書一邊飲茶，或者向店員請教一下茶經。優質靚茶葉好似高山茶、烏龍、紅茶，茶香甘醇，餘韻喺口腔迴轉。仲要細心分泠泡或熱沖嘅茶葉，夏天定冬天都飲到靚茶。 話就話個零鐘機程，玩個三日兩夜好方便。不過喺香港乜都有得食有得飲，冇時間去旅行嘅朋友唯有係留港消費止止咳先囉。