龍少爺 : 2017-03-17 食店返兜！麻甩钁氣「拍板小館」

2017年3月16日星期四

又來麻甩小炒系列。。。我是第二次來佐敦「拍板小館」吃飯，上次來已是是「高雄啤酒節」媒體活動 (相關舊文 2015-06-29《新假期 - 專欄更新》食勻港九攻略：十款下啤酒好菜 - 高雄啤酒節之香港站 ) 。

它叫「拍板小館」，是因為有很多演藝圈朋友都會來這裏吃飯消夜，因而得名。幾款小菜如「名門雪影蝦球」，「啫啫芥蘭煲」，「紅燒牛肋骨」都是這裡的味自慢。

今晚替食友瓜兄慶祝牛一，呢間餐廳亦係佢「飛佛」啦。先來「椒鹽瀨尿蝦」:

紅當當，好意頭！之前已吃過這個，除了夠香口惹味，重點是它的瀨尿蝦是全部已經去殻，啖啖肉，那就不用為剝殼而煩惱啦，這菜值得推薦。剩下的紅辣椒。。。

這個好像是「椒鹽豬手」？味道與瀨尿蝦不同，沒有想像中的辣，也沒有吃到滿巴之油，屬乾身有咬口的一類。

「美極煎中蝦」，蝦殻入哂豉油味，成隻拍入口，殼比肉更好吃。

「石斑兩味」，一味是蒸欖角斑頭腩，另一是西芹炒斑球，兩者都好吃，起碼冇咁熱氣！

「金沙茄子」，用鹹蛋黃包住炸茄子，我不嬲麻麻地「黃金 XX」的菜，非戰之罪，同枱的好友「阿水」就大呼好吃。

濃濃的例湯，附上湯渣一碟，目測有豬展、紹菜，好喝就好。

「炸子雞」，上皮程度不錯，另附上淮鹽一碟，不用點也夠味。

一大鍋「柚皮花膠」，柚皮沒有令人討厭的苦澀味，啤水工序做得好，自然也炆得入味，如「默書簿」般索盡𧐢汁：

侍應輕輕一切就已經將它分開，係炆得幾好，呢啲餸一定出街食好過自己整，花膠亦非常厚肉。

牛一，要來個「鮑汁撈麵」，可以用柚皮花膠的汁來撈麵吃！

另外仲有一碟「金銀蛋菜苗」，人均約 $300 頭，不收開瓶費，成為返兜系列，當之無愧！

「拍板小館」

地址：佐敦偉晴街14號地下

電話：3565 4328

若你喜歡此部落格，也請你 like 一 like，感激！