合作企劃

2014年5月4日星期日

2014-05-05 龍少爺話你知 (九) 四川去水汁是甚麼??


龍少爺話你知」系列又再如流星雨般出現。。。




話說小弟部 iPad 出廠不夠兩個月,已經不幸被朕碰跌落地下爆破了屏幕 (肉痛中。。。),無計之下上星期去了旺角先達修理屏幕。在等候期間,就走到了對面吃四川米線及雞翼。




本來想點「小偷雞翼」,它寫著微辣,另外見到有一款叫做「香格里拉雞翼」寫着中辣,阿姐解釋說兩者味道差不多,都是用孜然粉作醃料,只是辣度不同及前者有芝麻,那我就選後者好吧,一於辣一辣佢!

香格里拉雞翼」$37



出奇地有碗醬汁伴隨雞翼同上,味道是甜的,向阿姐請教,原來這碗汁在四川當地叫做「去水汁」,是用來解辣的,情況就如吃「口水雞」一樣,點一點這汁就會冇咁辣,因而得名,真係唔講唔知,今次又學到野!至於它是用甚麼材料做的,阿姐說這是商業秘密,不能公開!又要唱「周姐輪」的「不能說的秘密」。。。


雞翼焦香辣勁也足,點一點那「去水汁」的確會冇咁辣,還會多帶一份甜蜜,我覺得它比較適合一大班人吃飯,若果點同一碟餸但每人吃辣接受程度有所不同,這汁就起了平衡作用,後來我還索性醬汁倒在雞翼上,自創一番口味。


「四川米線」$34


點了少麻少辣配腐竹大腸,非常大碗,我開頭以為是很紅很綠又油又多芫茜蔥之類,賣相卻有點出乎意料地 plain。。。其實此正合鄙人心意,因為我是不吃芫茜,也很怕油淋淋的湯底。





味道方面我覺得不錯,成功在湯底,酸與麻辣它都有做到,因為湯底不油,可以齋喝也不腻,米線感覺煙韌重身,吃完大半碗已經是超飽!






好喇食完飯,終於去接部修理好的iPad,靚仔番哂。希望下次再來吃飯,不會是再來先達啦,touch wood !

「香格里拉米線專門店」
地址 : 旺角通菜街97號地下
電話 : 23929093


沒有留言:

發佈留言

Related Posts Plugin for WordPress, Blogger...