激安殿堂 / 我的家常便飯 / 街市買餸行情

上星期中秋在家吃晚飯，由媽咪主理。因為我們在港的親戚不多，以下只是三個人的餸菜份量，太多了，結果第二日，我又係食返剩下的餸。。。Anyway，今日化身「東張西望」定「都市閒情」，順道分享些街市買餸價格行情。

當日中午我去了尖沙咀「激安殿堂」逛一逛，人山人海，尤其水果及食物部非常多人。個人覺得食物的價格都算抵，例如急凍和牛扒，HK$40 一塊。買兩塊，兩口子喺屋企煮西餐都唔錯啊，又經濟。另外佢有啲 products 幾有趣，例如「龍角散啤酒」HK$49.6，係咪「太陽能電筒」啲 friend ???

日本水蜜桃在做特價大賣，因為屋企已有，無買。提子區域有青深、巨峰，買了一份做飯後果：

回到家吃晚飯。頭盤是「涼拌麻油萵筍」

因為媽咪籍貫上海，始終對上海菜有情意結，呢味冷盤在我屋企出現的機率非常高。。。如果俾我做的話，我會將萵筍刨絲代替切件，相信效果會更好，更易入香入味。

「蓮藕鱆魚煲瘦肉」

而家豬肉貴，大家都知道，街市買舊煲湯瘦肉，呢度要 HK$75 (約半斤)。若果想慳返啲錢唔落豬肉，可以考慮⋯⋯用花生同腰果，一樣有甜味，也平得多。至於買蓮藕呢，要揀帶泥同污糟的，有些雪白靚一靚，其實可能是漂白過，所以唔好貪靚。帶泥的蓮藕一般也會貴少少，呢度六碗湯水用咗一斤蓮藕 (大約兩舊)，承惠 HK$32，唔平。

勁大碌「炸素春卷」

這是現成貨，真係要推介吓呢隻牌子，我媽揀的：

在「Taste」買 HK$39.9 買一送一，𥚃面包滿椰菜絲、甘荀絲、洋蔥等，好得啊。一拆即炸即食，極方便，好過自己辛苦刨菜慢慢包。加上重點是味精感不強，有新鮮蔬菜感，似自己包，平均 HK$20 包，呢個仲「激安」喎！

「鮑汁炆花菇」

印象中呢包日本菇係去年農曆新年收到的禮物？！食極都仲有。。。厚肉，同埋隔夜仲好食。

「帶子炒墨西哥露筍」

買日本刺身級凍帶子，解凍後炒至半生熟，中心仍然保留 raw 的狀態就 good fit，若煮到全熟縮哂水就浪費了。今次用青幼蘆筍托底，吃帶子時可點黑松露醬，或者你鍾意放埋一齊落去炒也可。

「清蒸火點」

這條約十二両，是理想的大小 (吃蒸魚我一般只吃十二至十四両，太大條的肉易老)，$70 一條，剛魂歸天國才買到。大火蒸八分鐘，加薑、蔥，淋豉油、熟油，食得。

「美極喼汁大蝦」

可說是零失敗的餸菜。在街市買急凍散裝的越南大蝦，5 隻 HK$125，有手板咁大。完全解凍後，去掉頭部沙囊同腸，落油鑊煎香，灑美極、喼汁作調味，搞掂。我覺得 5隻份量是太多，計人頭一人一隻就剛剛好。

甜品「芝麻湯圓」，要打孖食喎：

好，下集繼續傾！

若你喜歡此部落格，也請你 like 一 like，感激！

https://www.facebook.com/siuyeahdragon