龍少爺 : 我以前是冠軍? 亞軍牛肉麵

2019年7月22日星期一

先問問大家，如果有得俾你揀，你想做冠軍定亞軍？

之前看書看過，心理學上唔係人人都想做第一，有人是會想做阿二、阿三，樂得無咁大壓力，話唒高處不勝寒。

回想我高小的時候，曾經參加過新加坡的考試比賽，贏咗冠軍可以獲得獎學金免費去新加坡留學。嗰時我細個，唔想離開玩開嘅同學仔，明明條考試題目識答，但就特登將答案作得很差，最後當然是名落孫山。現在回想，覺得自己⋯⋯很傻同唔識珍惜機會 :p

回歸正傳，今次呢間餐廳主打台式食物，單係「亞軍牛肉麵」已有幾款選擇。點解叫做亞軍唔係冠軍？海報上有答案，大家各自演繹係咪啦。。。

「亞軍紅燒牛肉麵」$62，麻辣醬另上：

麵條不規則，看似是手拉麵：

牛肉未去到味如嚼蠟的地步，感覺卻很乾，即係食完會癡牙嗰種。用貨可以肥返少少，且也不算滷得極入味：

牛筋也可以炆得更透：

湯頭極普通，屬有色無乜味嗰種，蘿蔔又大大舊。呢碗麵冠軍一定冇佢份，亞軍都未必有。。。在我心目中，只是僅僅合格。

「翻天綜合蓋飯」$59

大碗飯有滷肉、鹽酥雞、板燒牛肉、半隻滷水蛋、酸蘿蔔等等。

唔知係咪去得台灣多，始終食慣當地正宗口味，呢個飯都係麻麻。滷肉太大粒了，似肉塊：

我心目中靚的滷肉飯，應該是這樣，台北「程味珍」出品 :

板燒牛肉不難吃，但放在這裏就像東拉西扯一般，有些九唔搭八。我寧願佢放多兩舊鹽酥雞，貫徹台灣風：

鹽酥雞竟然有驚喜，酥脆有肉汁，調味也沒有過鹹，成為全碗飯的亮點：

跟飯送了杯「高山綠茶」。用紙杯感覺就較低檔及不環保，建議用返隻正常茶杯：

整體食完後沒有如店名般，快樂到翻天，僅像充飢的一餐，只有鹽酥雞做得好。收費不用加一，不過以此價錢，在附近已有很多「冠軍」級選擇。

「樂翻天綜合食堂」

地址：佐敦白加士街19號地舖 (「軍記」隔離)

電話：3691 9615

若你喜歡此部落格，也請你 like 一 like，感激！