繼續開心 share 早前長假期食咗啲乜。迎萬聖節晚就同好友去「卅二公館 Mott 32」，一皇三后，每次來都不會失望。
餐廳唔使多介紹，早藏身在渣打銀行大廈內，經常 full house，上個月來 book 食 business lunch 都無哂位。李文星師傅的出品是超多好評啦，尤其是全宇宙最好吃的乾炒牛河，乾炒牛河！！！(因為激動，所以要講兩次！)
「蜜汁頂級西班牙黑毛豬叉燒」$295，每次來必吃：
半肥瘦梅頭位，香軟腍身蜜味重，肉焦香突出，又要再講呢句，真係叉燒界的張家輝，冇得輸！其實 Mott 32 仲有個「脆皮西班牙黑毛豬叉燒包」都好好食的，未食過的朋友來到要吃！
「42天飼養北京片皮鴨」$650 (一天前預訂)，將鴨調味後風乾一天，到有人客落單就立即用蘋果木燒烤，堂片，這晚來某程度上是為了它：
侍應巧手混醬：
一鴨三吃，烤鴨的皮，脆而帶木香，點黃糖來吃。肉的部份，就點蒜蓉醬。
至於連皮帶肉的部份，可以隨你喜歡，可淨吃，享受木烤滲進肉裏的香氣；也可用餅皮包着它和青瓜、甜醬來吃，依舊好得。
新菜「鮑魚黑豚肉蒸蛋」，我個人蠻喜愛這個：
蛋有預期的滑溜，黑豚肉碎增强口感度，不會太寡，鮑魚仔就帶來點點貴氣精緻，整體吃得不膩。
「魚湯浸白菜仔」$160，菜索盡魚湯精華：
回味精釆的一晚。祝李師傅和 Wun Wun 工作順利，繼續為食客帶來更多驚喜 XDDD
「Mott 32 卅二公館」
地址：中環德輔道中4-4A號渣打銀行大廈地庫
電話 : 2885 8688
營業時間：12:00-15:00, 18:00-23:30