上回講到這間由幾姊妹開了五十年的溫情老店「旺景工友食堂」,當時我寫下一句 //下次我會再來,食她們親自煮的食物,見證她們五十年即叫即煮的廚藝真章。// (相關舊文)
男子漢講得出做得到,今次來找數 (押韻㗎)。今次特別再來,大概12:30pm,見到午餐有「梅菜蒸鯇魚」,想試真材實料食材點這個錯不了,坐低後立刻和那幾位姊妹老闆的其中一位老阿姨落單。
點知2分鐘後阿姨笑着回答:「今日梅菜蒸鯇魚已經賣晒,你揀過第二樣!」
我:(驚訝)「咁早就賣晒?」
姨:「係呀今日鯇魚靚啊,同埋附近啲工人通常11點幾就食晏㗎。你揀過第二樣啦!」
姨:「你想要咩吖?一係我炒碟魚鬆飯俾你食?」
我:「好呀,用咩炒?」
我:「咁芽菜啦!」
此乃真正中式「大廚發辦」,即點即炒!
細問之下是「節瓜排骨煲赤小豆湯」,啲湯料重到影相要 NG:
200% 家庭式媽媽風味,鯪魚肉餅條,鮮味彈牙無碎骨 (這點很重要 ! ):
芽菜仔爽口,很合夏天的胃納,獻汁也沒有如漿糊一般:
三扒兩撥我很快就食哂啲餸,剩下一些白飯在碟上。
姨:「我送啲牛肉俾你,爬埋啖飯啦」
我:(呆了一呆)「唔使啦,我飽啦。。。」
姨:「乖啦,我送俾你食」(佢真係咁講)
我:(盛情難卻)「好啦好啦,不過你計番錢啦」
姨姨收了我 $5,加了一堆「免治牛肉」在我碟上:
最後我又是很快食哂啲餸,剩下少許飯。
姨:(家人口吻)「吓?咁叫食哂咩?」
節儉是美德,姨姨這樣說有點令我尷尬。。。最後埋單 $53。
雖然這一頓不是什麼珍饈百味,不過那股人情味,相信現在已經碩果僅存吧?!大家要好好珍惜這情懷。在此也祝幾位阿姨們身體健康,開開心心!=)
#幾忙都想寫左呢篇先
「旺景工友食堂」
地址:新蒲崗大有街2號旺景工業大廈地下
電話:2320 7505
營業時間:從缺