我諗早兩日被 FB 洗版的可算是全日禁堂食的政策，兩日就壽終正寢。朝令夕改令一眾無地方食外賣市民大眾，及飲食業朋友，猶如開了一個玩笑。其他社論已有很多，在此不重複。政策理論還理論，是否實行得到及之後的配套，係咪 practical，係咪離晒地，正苦完全無視。邊個受苦？又係我地市民大眾囉。$33萬一個月人工，坐在冷氣房，人工咪又係來自納稅人，唉。
星期二我剛好要回辦公室，就和同事叫外賣回公司。大家以自助形式，保持社交距離，盡量避免打對面坐，這方面我們的防疫意識倒是相當高。
這六人套餐，先每人一碗「花旗參石斛烏雞湯」(以下照片是一個膠飯碗的容量)
我一打開個碗蓋，嚇了一跳，足料到不得了！有一大舊烏雞、五舊紅蘿蔔、仲有花旗參及石斛。石斛有很高的藥用價值，可滋陰清熱、益胃生津，更有明目等功效。湯完全無味精，帶甘甜，真係叫外賣好過自己買材料自己煲！
「大蝦球北海道元貝炒蛋」
「海味爆炒韮菜花」
「豉油王乳鴿皇」
雖然中午吃起上來有些麻煩，味道也甚多好評。乳鴿皮肉均嫩，食落似瑞士汁輕盈版的豉油王是有加分，不會一股死鹹及味精感。
「冬瓜枝竹炆西班牙黑豚豬肋排」
點雷聲大雨點小，味道很淡，或者可能是之前的菜色太驚艷，這個明顯失色及平淡，不算是我杯茶。
最後甜品「薑汁芝麻湯圓」
湯圓兩大粒，配上薑湯，估不到附送紫番薯及黃番薯各一大舊，回想起來好耐無食過紫番薯了，幾粉，是我喜歡的口感，食完已經飽到不堪。。。
以上六位外賣配六碗白飯共 $680，人均約 $114，附上完整餐單給大家參考：
Any 肥，文章見面之時又變返中午可以在餐廳堂食。這個笑話，更顯得世界的荒謬。
「大廚料理」
地址 : 觀塘觀塘道396號毅力工業中心11樓K室
電話 : 9082 5588
營業時間：請致電查詢