2020年6月7日星期日

【五十年老店】豬潤牛肉麵 - 小故事


話說上星期六經過新蒲崗,已經食過中午飯,行過見到有間老食店,出面貼滿了不同食物價錢的海報,吸引了我的眼球,駐足觀看。





店名叫「旺景工友食堂」,很有七十年代工廠 feel,「旺景」就是這座大廈的名稱,估計這店以前主要是服務這裡的工友食客為主?!



這時有位阿姨走出來,問我想食乜嘢,叫我隨便入嚟坐,裏面有冷氣啊,非常好禮貌,不囉嗦的,比較像媽媽級阿姨級的口吻,跟住佢就走返入去。

我企左門口都有幾分鐘,細閱它們的海報都有排睇,食物多樣化,由早餐、常餐、午餐客飯、車仔麵、腸粉燒賣、西多士。。。真係地道食物都有齊。




我一邊在看那些退色的海報,一邊在掙扎。。。我是想入去幫襯,只是剛剛才食飽飯,所以在想應該食乜嘢呢?Anyway,霎時衝動之下就入咗去先算。



食店裏面有幾位阿姨,其中一位熱情招待,帶我入去冷氣巷度坐低。環境可以話係零裝修,綠白色階磚地板,古舊吊扇,甚有地道情懷。



左思右想下點了一碗「豬潤牛肉麵」$43



丁麵底,豬潤明顯有用薑汁醃過,滑而無怪味:




牛肉新鮮,屬古舊典型滑牛類:



可惜它的湯底是出前一丁湯,如果用鮮豬膶及牛肉滾出來的就更正:



送了一杯甚具茶香的熱奶茶:



燒賣一向是我的 comfort food,就來多一份「腸粉燒賣」$19



價錢應該不能說是很便宜吧?真心講腸粉的確滑,夠熱辣;麻醬味道突出,喜歡吃麻醬的朋友不妨可以叫他們下多一些。燒賣正常,少了一份柔軟,未算是我很喜歡的類型:



埋單 $62。走時和那位阿姨閑談了幾句。我問她呢間舖開咗幾多年?「我哋幾姊妹,開左呢度差唔多五十年喇,等於兩個你啊,哈!」(利伸:我當日打扮係比較年青,戴 cap 帽著 T-Shirt 短褲,又戴住個口罩,望落係幾後生嘅。。。) 



下次我會再來,吃她們親自煮的食物,見證五十年即叫即煮的廚藝真章,還有那股老情懷。香港有句說話「五十年不變」,我走時看着退色的海報,帶點莫名唏噓。世上有幾多東西或人物,是可以這麼多年都不變,沒被消失呢?可能起碼還有這間工友食堂。




「旺景工友食堂」
地址:新蒲崗大有街2號旺景工業大廈地下
電話:2320 7505
營業時間:從缺




若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...