分享一下上月在 RTHK 1 開咪做的「開心日報」，今集拍檔有超人、貴林哥、Ada，主題是「生滾粥」。
中國以農立國，以米為主食。為了今集，我特別走到一間有逾七十多歷史的老字號生滾粥店，親身體驗。
米是一碗粥的靈魂，粥滾燙，燙得讓人心頭發熱，夜以繼日在廚房熬出滋味無窮的熱粥。此老店用澳洲珍珠米，因其黏度、鬆軟度恰如其分，米味亦香濃。
其實能夠吃得一碗美味生滾粥，艱辛的煮粥師傅居功厥偉。粥底軟綿在於長時間煲煮，加入腐竹，粥底特別綿香，不會像新派店以麥皮或加入豆粉水取代，粥底容易化水。
粥底調味上，則用上大地魚、江瑤柱，以作提香之效。煲粥時間漫長，每隔一段時間就要攪吓佢，因為當粥底開始綿滑時，就會變得容易黐底，所以絕對是心血所在。
第一碗我吃的是 Ada 提及的「生滾及第粥」
材料有豬膶、豬腰、粉腸等，內臟其實是四、五十年代的下欄東西和平價貨。
師傅話傳統的及第粥沒有現在的花生、魷魚、豬皮、肉丸咁豐富，當年主要是給一般平民大眾醫肚。
我問桂林哥，「及第粥」原名叫咩？答案是「雜底粥」。因豬內臟又稱「雜底」，因而得名，現已美化為「及第粥」或「狀元粥」。
要讚一讚此店的豬什清洗得非常乾淨，不會有污糟物體及多餘的油脂癡住，沒怪味這點很重要。
食的時候侍應會附上豉油和碗仔，讓食客將食材點豉油來吃，增添風味：
另一樣我有和超人咪前分享，就是「生滾魚腩燒鵝粥」$50
鯇魚腩肥厚多肉，有三大舊。一個人時，食粥都係個唔錯嘅選擇，粥煲而綿，魚腩鮮而不腥，冬天食完暖笠笠。
另外它特別在加上兩夠燒鵝一齊滾，用鹹香吊出魚的鮮味，令味道冇咁平淡，是非常聰明的做法，又可將隔夜賣剩的燒鵝用盡：
「生滾皮蛋牛肉粥」，同一樣的軟綿綿粥底，配上是滑牛肉片，不是碎牛，而且吃得出沒有用梳打粉嗱過。我也欣賞此老店堅持用貴價的牛肉片代替碎牛，將傳統風味保留。
貴林哥話冇理由淨係食粥咁寡，食粥的好拍擋自然有炒麵，所以當日要了「及第炒麵」
它是廣東食炸麵底，上面舖上豬什，再加豬肉片、白菜仔和汁，是老傳統廣東風味。
亦因為是炸麵底，用來送生滾粥，一軟一硬之口感不錯，傳統智慧：
除了生滾粥，滾湯系列在這裡也甚受歡迎。學話 Ada 齋，有時食飯，滾啖湯加碗飯，有營養之餘又簡單易做。
此已有數十年歷史的粥店，粥品選擇甚多，加上亦不算貴，滿有人情味，更值得我們珍惜。
做完節目，同場加影超人表演魔術，小弟仲逗到港台的利是，多謝監製同標爺幫我 keep 住利是：
大家開工大吉，祝願疫情盡快消失！
好喇，今集節目重溫：
https://www.rthk.hk/radio/radio1/programme/happydaily/episode/622459
大家繼續多多支持 FM92.6-94.4 RTHK 1 ，星期一至五，朝朝十點四，10:20am-12:00noon 節目「開心日報」，下集見！👋🏻
