記得2013 年小弟出版書本著作「五味樂緣」,韜哥 (韜韜) 是小弟四十位嘉賓之一,因而結緣,記得當時在元朗「大榮華」食飯同拍攝訪問呢。
上週到「大榮華圍村菜」吃午飯,再遇前輩,立即上前打招呼相認。
看到他雖清減不少,仍健康精神滿場飛,和熟客打招呼。
同韜哥閑話家常傾左一陣,佢清減咗50磅,膽固醇好咗,仲中氣十足。講返當年訪問的趣事,點滴記憶又浮現在眼前。時間過得真快!
他當日有介紹我們吃餐牌沒有的菜式,之前我們已掃了一輪點心呢。識食去到一定會叫「腐竹銀杏粥」$38,軟綿綿,粥底已有鹹香調味,清香暖胃,呢啲心機真係出街食好過自己煲:
必食的鬆軟「奶黃馬拉糕」$28
「胡椒豬肚湯」$38,想連湯汁也幹掉:
冷盤「當歸豬手」$32,微帶酒香,骨頭入哂藥膳料頭味,吃完滿嘴骨膠原:
新鮮蒸出爐的「蒜蓉蒸鮮魷」$32,魷魚片爽彈,吸哂料頭調味,要趁熱吃:
其他點心隨影。「家鄉煎薄撐」$32
「陳皮牛肉」$32
「切肉燒賣王」$32
「雞絲粉卷」$28
另外還有無入鏡的油菜、家鄉煎魚餅等等。
難得見到韜哥,他介紹了我們吃餐牌沒有,只有熟客才供應的 off-menu 私伙菜式「新鮮燒鴨二食」,因為新鮮燒鴨在中午時段供應很有限。二食足夠我們九個人吃,才 $180。難得入到城隍廟,一定要求返只好簽,試一試這私心推薦菜。
第一吃「新鮮燒鴨胸骨滾津白湯」,將鴨起肉後的骨架加豆腐與津白滾成鮮湯:
湯清澈鮮甜,輕帶鹹香,也不油膩:
剩下的湯渣,已淋上甜豉油,又是一味餸:
第二吃「新鮮燒鴨胸肉米粉」
最後埋單人均 $85 (已連加一),相當飽足和滿足。
臨走和韜哥道別和說聲多謝推薦。在此祝韜哥繼續日日有食神,最緊要身體健康,一齊同心對抗疫情!
「大榮華圍村菜」
地址:九龍灣宏開道8號其士商業中心一樓2號舖
電話:2149 7773
營業時間:星期一至日 11:00-16:00