《米芝蓮一星》晚餐餸菜 • 午餐享受 - 剁椒筍殼魚

公司部門又有人來人往，好友「俏護士」要轉部門了，大家係咪好掛住佢呢？同時亦有新力軍加入，帶來了一些朝氣。

今餐除了告別與歡迎外，也和兩位同事慶祝生日，一雞四味！挑了我從未吃過，連續兩年奪得米芝蓮一星，在北京道一號的「御寶軒」。

此店走 decent 精緻路線，可以望住維多利亞港食飯；大家唔使諗，一於叫個八人套餐。

先上「精選燉湯」，是螺頭瑤柱燉瘦肉，相當足料：

可惜下了甚多味精，大家都在討論，其實咁足料，每碗都有幾件螺頭啦，何不自信啲，吃天然的食材甜味呢？有點浪費和畫蛇添足。

「點心三款」有燒賣、粉果、鹹水角：

燒賣熱辣辣，肉質軟熟，沾些辣椒油吃，不錯：

粉果不算正宗潮州款式，沒有韮菜，若當是「沙葛肉粒餃」來吃，也就沒有什麼不安啦：

「燒味拼盤」

蜜汁叉燒及貴妃雞，這個出奇地份量偏少。。。吃了一件叉燒，略嫌燒得不夠香。

「白灼鮮豬膶」

豬膶是厚切，我覺得它未完全熟透，亦頗多筋。。。

調味則不錯，所以薦底的芽菜，就食了大贏家，大家都爭來吃。

「是日海鮮」，有剁椒筍殼魚：

鱷魚頭老襯底，沒有想像中辣，魚肉滑，少骨，辣椒豉油汁也惹味，呢啲餸又係出街食，好過自己花時間整：

再來是自選三款小菜，都做得好。「家鄉南乳齋煲」

南乳調味其實略鹹，但若下得少就會不好吃的喇，絕對是靈魂所在。粉絲一定是寶，可以話係「送飯神器」。。。

易做難精的「菠蘿咕嚕肉」，肉微微掛汁，酸甜到剛好，得到大家一致讚賞：

「俏護士」貪新鮮叫的「煎釀三寶煲」，就是煎釀三寶再用豉汁燴煮，家庭式口味：

甜品有「紅棗桂圓糖水」，以送贈來說，是多料得無話可說：

八人套餐 $1,988 + 10%，各人是超飽，部份點心也要拎走，完全係晚餐餸菜，午餐享受。咁都啱嘅，依家地鐵晚晚收十點，都無乜心情趕頭趕命出街食晚飯，咁咪晏晝來支持下啦。

最後祝「俏護士」前程錦繡，得閒返嚟探我哋啦！=)

「御寶軒 Imperial Treasure Fine Chinese Cuisine」
地址：尖沙咀北京道1號10樓
電話：2613 9800
營業時間：11:30-15:00, 18:00-23:00

若你喜歡此部落格，也請你 like 一 like，感激！

https://www.facebook.com/siuyeahdragon