牛有四個胃，牛肚即牛胃。牛肚中運用最廣的，該是牛錢肚、肚尖和牛栢葉。
每人心目中都有一些美食心水，仍會為吃到美味的「五香牛肚」而感到歡樂。
此店我幫襯過 N 咁多次，環境麻甩加搭枱，無問題，阿姐服務很好。牛肚看似平凡，味道卻做得出乎意料地好：
此食物看似簡單，卻有自己豐富的小宇宙。港式會用五香滷水膽弄之入味，炆腍身之餘仍要保留適量咬口，極考師傅功夫。牛肚吸收汁料精華，惹味也。
「五香牛肚筋腩」$60，得到金錢肚部位：
「五香牛肚墨丸」$60，佢湯底加了炸蒜粒來提香：
「五香牛肚水餃」$60
「五香牛筋魚蛋」$60，上桌時蒸氣瀰漫：
「五香牛筋雲吞」$60
話說回來，今時今日 $60 蚊，六草嘢食碗雙拼麵，在尖沙咀商業中心區域已屬正常 (唔會有「全場粉麵20蚊起」呢支歌仔唱喇。。。)
唯有同自己講，這些是師傅的功力心血，在家一般也甚少自己炆牛肚，費時費力，都係出街食吧啦。
下集都係關於「牛」，一個人情味小故事，再傾！