合作企劃

2019年10月13日星期日

沒有港鐵的日子⋯⋯


上星期在灣仔某餐廳食午餐,隔離枱有兩位師奶在高談闊論,真實對答,我在默默地聽。





「呢排最衰係地鐵,成日封站⋯⋯」

「仲要夜晚咁早就收,咪即係等於實質宵禁!其實整返好啲嘢,咁多個漏夜都未整到?⋯⋯」

===========

其實地鐵在 2000年上市時,在公共交通工具運輸佔比率約 25%;到 2006年兩鐵合併後比率已升至49%,過海交通工具市佔率更升至接近七成,停鐵對市民影響自然大。



話說小弟住在大嶼山,最正常出市區的交通工具就是港鐵。相信大部分東涌人在港鐵全日封站的日子,可以話係同全天候宵禁無乜分別。在十月一日那三日長假期 block 咗東涌站,大家係被困在大嶼山,經歷無鐵之苦。



你一係可以搭大排長龍的巴士出市區,一係 call 的士搭去青衣城再轉車 (問題係無的士或都已襟旗),即係唔想東涌人走出嚟啫。始終政府持地鐡股份達 80%,政策明顯傾斜,呢啲係咪叫完美配合?

喂,咁我都有其他正經事做,我仲記得嗰幾日約咗要去攞新造的西裝,要出銅鑼灣,咁我就排隊搭巴士。係麻煩咗,最終我都去到目的地。




之前在「立場新聞」看到一篇文章,節錄一小段:

// 當交通燈剩下破洞,綠燈不會亮起,你還是得小心觀察馬路情況,起步走過去(沒開玩笑,這兩天目擊許多徬徨無助的臉孔,都是成年人)。商場不開,那就上街,去公園,外面風景多著。港鐵封站,那就找巴士,走路,開口問前面的人,總會抵達目的地,雖然過程難免吃苦。

這樣的香港,比以前危險,但終會漸漸變得安全。安全在於人們脫離依賴,提起精神,為自己做每個決定,同時守望相助。// 


大家有無些領會?

飯,都要食。咁我又支持區內良心消費囉,「渣哥」是鐵膽:



那幾天唔係好想幫襯「東薈城」新開二期那堆大型連鎖集團餐廳,反而去了樓下 Club House 附近的「Mint & Basil」吃泰國 / 越南菜。



這店除了住在附近的街坊幫襯,一般比較少外來人,因為地點很難找。它是在遠離地鐵站的住宅區樹林裏,侍應們是外籍人,顧客大多也是外籍朋友,會來喝喝啤酒睇睇波,或者放放真 • 狗之類,也挺舒適。



我估若問此店的政治立場,可能是沒有 (?!),因為它的客路一直只是服務附近的住戶而已,也不會有前線或警察入來如此偏僻的區域,加上是外籍人士居多,你可以話佢似一片與世無爭的小天地

苦中作樂一點酸,「越式米紙素卷」$78


米紙包着牛油果、甘荀絲、生菜絲、米粉,點酸汁吃,蠻醒胃:



泰式炒河」$118



其實之前港鐵與眾商場均提早晚上八點關門,這暫停服務不單影響市民和旅客的不便,不論經濟、零售、就業均將會急速轉差,真正攬炒經濟,很快將會 (或已經) 陸續浮現。

若大家 (包括此文開頭的那兩位師奶) 想追究或埋怨,冤有頭債有主,唔該大家搵返那位始作俑者-「攬炒之母」。




「渣哥一九九六」
地址:港鐵東涌站TUC 15號舖
營業時間:星期一至日 08:00-22:00


「Mint & Basil」
地址:東涌海濱路8號海堤灣畔地下K號舖
電話:2762 8077
營業時間:星期一至日 12:00-01:00





若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...