合作企劃

2012年5月7日星期一

2012-05-07 銀行的 canteen 究竟是吃甚麼的?



鄙人在銀行界打滾了 1X 年,也算是喝銀行的奶水長大。某日有位朋友突然問起:「咦,你公司 canteen 有咩嘢食㗎?」細心一想,原來香港四大銀行的 canteen,本人都吃過了,不如就在此品評一下這些在外吃不到的箇中滋味。


第一間是「馬拉松」銀行,鄙人曾任職過好一段日子。它在牛頭角辦公室的 canteen 蠻大,當年內邊是酒樓,外圍是自助形式的飯堂,早餐午巿下午茶全日開放,中式西式車仔麵三文治樣樣齊,而且環境也頗具娛樂性。「世界盃」期間會有波睇,食飽飯又可以去「遊戲機室」免費打機 (係真係機舖大大部嗰種遊戲機,不過啲 game 好舊,如果你玩得投入會俾人笑。。。) 在 canteen 吃飯絕不便宜,價錢與一般餐廳無異,當年車仔麵 $4 一個餸,即製三文治 (類似 Delifeance 那些) 都要 $30 一份。想平?出去牛頭角工廠大廈的「快加好」工人飯堂買外賣啦,$12 兩餸飯大大盒。

不得不提,當年飲茶那邊是很搞鬼的,經常會搞不同主題的飲食週,甚麼「羊腩煲週」、「點心放題」之類。最不可思議的是有「任吃打邊爐週」,鄙人也曾捧過幾次場,幾好食的,不過全個 canteen 都會煙霧彌漫。。。中午時份在公司打邊爐,全身煙 boom boom,下午再返工開會見客,自己回想起都覺得騎呢。


至於本人現在的公司,午餐是拾零廿蚊,「兩餸一湯白飯任莊」的住家風味,天天新款兼無味精,我個人就覺得味道頗似「原味家作」。兩年前在這裏喝過「木瓜燉螺頭湯」,竟然還找得出張照片:


通常過時過節 canteen 都會加料,例如中秋節每碟飯會送個橙,做冬會送紅豆沙之類,不錯啊!聽聞食得多 canteen 會食肥人,不足為奇。


第三間「祖國」銀行,本人曾在十多年前於中環總行 canteen 吃過一次飯咁大把。那次經驗比較麻煩,因為當年在那裡吃飯是要憑飛換飯,一張飛換一碟「碟頭飯」,是「認飛唔認人」。我的友人是要週圍幫我「撲飛」,我才有飯吃,難度是會比撲「Lady Gaga 演唱飛」容易些少吧?!


最後的是「動物」銀行,canteen 食物花款最多,有中有西,多外籍朋友嘛!那裡最出名的是 lunch buffet,味道亦不錯的。以下的一餐是上星期在該「員工俱樂部」吃到的晩餐,賣相與水準皆不賴。

「黃金脆豆腐」


「麻辣牛展」


「涼拌小黃瓜」


「時令冬瓜盅」



「黃金大明蝦」


「豆腐班腩煲」


「瓦撐豉油雞煲」


「蒜香骨」


「金銀蛋莧菜」


「啫啫生菜煲」


「豉油皇炒麵」


「迷你 B 仔涼粉」


七個人喝五支酒,不算過份啊。


忽發奇想,不如本人搞個真人 show,就是連續兩星期吃公司 canteen 的午飯,可以介紹餸菜之餘,又可以睇睇係咪真係會増磅。。。唔知有無人有興趣睇呢?


若你喜歡此部落格,也請你 like 一 like,感激!
Related Posts Plugin for WordPress, Blogger...
合作企劃