近排心情非常差，好大壓力，乜原因都有啲啦，加加埋埋，無得去旅行散心，都想有個時間和地方讓自己清靜休息吓，那就 whatsapp 了好友 M 小姐，自費在她打骪的「香港九龍貝爾特酒店 Pentahotel Hong Kong Kowloon」，住了一晚，好讓腦袋放空一下。
之前來過這裏食飯，超得 (相關舊文)。Pentahotel 品牌來自德國，屬「新世界集團」旗下酒店；反正未住過，那就順道來體驗一下。
今次我住頂樓，房間設計甚 stylish，有些「住好D」feel，床亦非常舒服：
窗邊有個小位置，我就坐喺度聽聽歌、看風景：
現在無得去旅行，唯有在房間看台灣的電視節目頻道，感覺都幾似去咗台北。。。
晚上怱怱隨便吃點東西，沖個熱水涼，就睡覺去了。
要讚一讚這酒店的環保理念，支裝沐浴露、洗頭水等用一個漂亮袋子裝著，用不完可以成袋拎走，不會浪費。
其實我覺得酒店最易做成浪費的就是番梘，因為一晚根本不會用得完一件，之後又要拋掉，不能重用。所以我索性沒有用番梘，直接用那支沖涼沐浴露洗手，橫豎一支一晚都用唔晒，可以慳返地球資源。
早上起來，紅色暴雨，唔緊要，食早餐先。
「EatStreet」在 1/F，早餐有西式、中式 (點心為主)、港式 (炭燒叉燒通粉加煎蛋多士等等)：
我選了西式的「Pentabreakfast」$98，包果汁及咖啡：
即點即做，指定蛋要 Sunny Side-up，燶邊：
小蕃茄和雞肉腸也不錯，薯角新鮮炸起，其實只要新鮮做，總錯不了：
食完早餐返房攤唞一陣，就落去 gym room 做運動。好似疫情以來好耐無做 gym 了，淨係係屋企舉啞鈴同做 sit up。。。今次可以少有地流一身汗，暢快：
Gym room 出邊就是露天泳池及曬太陽的 area，暫定於2020年6月13日重開：
上房再休息一會兒，沖個靚涼，就 late check out 2pm 先走。心情經過這次 relaxing，是有好一點。唉，人生就如一場球賽，唯有叫自己繼續加油打下去啦！XD
為方便大家，在此貼出酒店的免費 shuttle bus 到尖沙咀 K11 時間表 :
最後一提是酒店「食住貝爾特」港人住宿優惠，由6月1日至9月30日期間入住，每晚 HK$600 就可獲享：
🔸️免費升級至貝爾特高級客房
🔸️尊享港幣300元餐飲消費淨額於 EatStreet 和 Pizza Bar 使用
🔸️免費使用季節性室外游泳池及二十四小時開放之健身室
🔸️免費無線上網
🔸️免費延遲退房至下午二時
(需另收百份之十服務費，優惠附帶條款及細則)
#Pentahotel #Penta #Pentahotelhk #StayandEat #staycation #Pentalovesyou #summer #getaway
「香港九龍貝爾特酒店」
地址：新蒲崗六合街19號香港九龍貝爾特酒店1樓 (港鐵鑽石山站 A2 出口, 步行約8至10分鐘)
查詢電話：3112 1922
預訂網址：https://bit.ly/36fzytW