近兩個星期飛台灣和美國,有留意我 Instagram 同微博的朋友應該有看到當地照片,稍後會和大家分享旅程的趣事。
兩個 trips 中間有日在港,就提早食飯慶祝聖誕和冬至。那星期天氣涼浸浸,感覺超爽,我向來是怕熱不怕凍的怪人,飲暖𥅈𥅈老火湯就最開心。
湯頭因食材已煲成淺黃色,堅係一滴油都冇。靚的老火湯真係出街飲好過自己煲,幾粒鐘煤氣加買料加心機 (重點!),除笨有精。而且中菜飯局,通常一家人或朋友去食,開心 share 一人一碗暖呼呼,價錢除開又不會太肉赤。
這裡的招牌菜,我都會點燒味,首推蜜汁叉燒:
市面上唔少酒樓都聲稱自己叉燒以黑毛豬製作,咁話知你用的豬食橡果定聽音樂大,最緊要好食,才重要吧?!「蜜汁叉燒」$130 / 例牌,一向做得好,有焦香,色水靚,半肥瘦,吃得出肉嫩有彈性,我推介過好幾次。
「冰燒三層肉」$140,燒腩仔切方塊,外皮燒得脆,脂肪與肉層次分明。
「蘿蔔絲酥餅」$42,條條絲綫均勻包成外皮,油炸成金黃,絲絲鬆脆,酥皮的好吃之處表露無違,蘿蔔蓉也非常甜。
我不太愛好甜品,每次也來吃吃「擂沙湯圓」$36:
「韮王蝦腸」$55
「薑汁米酒炒芥蘭」$130
「珍菌原湯泡津白」$120
食完「利公民」上身,成身暖哂的「蛋白杏仁茶」$30
IFC 的酒樓選擇不算激多,「利苑」算是較親民。它另開較大眾化的副線「利小館」食物都唔錯,同一品牌也可以吃得豐儉由人。Hey,在此祝大家有個暖𥅈𥅈的聖誕節,Merry Christmas!:-)
「利苑」
地址︰中環港景街1號國際金融中心3樓3008號舖
電話︰2295 0238