合作企劃

2017年12月16日星期六

2017-12-18 日本丼飯 - 任拼九款即製串燒


很多餐廳的午巿通常較晚餐抵,份量少些許,價錢卻實惠一大截。當然,食物涵蓋的款式和質素同樣重要,唔好食的話,就算激安都係把鬼。



今次一行六人在「」吃午市套餐 $148 / 位,每人有十幾款丼、九款串燒可自由任拼,意念蠻不錯:


拼法也簡單。每人先從一系列丼中揀一款,再任選兩款串燒。若你喜歡的話,不要串燒改要兩個丼又得,真係勝在任你揀,最怕冇得揀。。。

前菜魚乾和沙律:


我選的「三文魚籽拼海膽」丼 (要從「豪華波士丼套餐」中找,較貴要 $268)


「波士丼」系列也可揀舖滿三文魚籽單一的、或整碗蓋滿海膽的丼,都吸引。我比較花心 (我認的!),雙拼就一次過吃齊我兩款 comfort food。味道未至於驚為天人,都新鮮好吃的,作為工作天的 lunch 也賞心悅目。

朋友揀的「鰻魚丼」,一向做得不俗;「刺身丼」的牡丹蝦新鮮,飽滿地臥在碧翠配菜上曬日光;「吞拿魚蓉丼」則沒有靚拖羅的那種激優,理解的:


今次的丼食材主要都是刺身類,款式實在多,另有「霜燒魚生」、「三文魚甜蝦」、「雜錦魚生」丼揀,係幾歡樂。若喜歡熟食的朋友,都有「黑豚肉生薑燒」、「親子丼滑蛋雞肉」、「牛丼汁燒牛肉」等,啱晒心多多的朋友仔。

如果幾個朋友一齊去,每人選一樣,成檯盡是不同的丼,可以一次過試盡咁多款口味。

串燒方面有九款選擇,雞、牛、豬都齊備:


我覺得當中要數「豚肉露筍卷」、「鹽燒雞翼」,「青芥牛柳粒」最好吃,出乎意料地新鮮燒,午市來講幾有誠意。

沒有眼花,吃完丼,再送每位烏冬 (或蕎麥麵),最後仲有甜品:


幾時都話,做人最緊要有得揀,此乃最值得我們珍惜的權利。對嗎?



「穴」
地址︰大角咀海庭道18號奧海城二期UG50號舖
電話︰2351 9878
營業時間︰12:00-23:00




若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...