過年過節食飯，通常會和家人食上海菜，懷緬一下外婆的手勢，閑話家常、想當年呀甚麼的。
灣仔的「老雪園」，位置前身是「上海鷺鷺」飯店，班底很多都來自北角「雪園」，是以前相當出名吃上海菜的老店。
吃慣上海菜，有相熟的舖頭，有些伙計都能認到。「老雪園」侍應有從「上海鷺鷺」做起，經理由「淅江軒」過來。
海蜇頭比較好吃，外型圓碌碌，口感是滑那種。特別在點芥辣同吃，因為平時都是點麻油豉油，芥辣不是太辛，帶甜味，特別。
做得非常出色！值得重點推介。雖則偏細碟，它好在外面酥脆，不油膩，茶味香濃， 鴨有肉汁，側邊有小饅頭可以夾着吃，呢味堅得。
「砂窩粉皮魚頭」$320，又是一道上海常見菜 :
我婆婆以前都有在家煮，用大魚魚頭，湯底弄得黑漆漆，上海菜都是濃油赤醬，加上粉皮，有湯有汁，可扒成碗飯。
我嫌這個湯汁的辣豆瓣醬味太搶太出，反而喜歡平淡點的豉油老抽味 style；另外粉皮亦不夠多，反正粉皮成本也不高。整體來說，還是我婆婆做的比較好，情意結有加分！
「清炒河蝦仁」$228，我表妺至愛：
這是個手工菜，蝦仁每隻大概得一毫子般大小，所以剝殼會難搞，不如出街食。肉質爽彈，點淅醋吃，滋味。
坊間的炒鱔糊並非每間做得好，不少都衰在腥、有骨、油膩這三個地雷區。這個「韮黃炒鱔糊」$180 沒有這些問題，也沒有水汪汪：
點心方面，點了八隻「經典雪園生煎」$96，北角雪園的招牌菜：
包的塊頭較大，面質地鬆軟，底部焦脆；不是一咬爆汁那種，餡肉質地卻滑溜。我小時候，公公婆婆帶我去土瓜灣一帶食生煎包當早餐，就是這一種。一手拎包一手拎豆漿，開心。
現在一般香港人似乎被縱慣，覺得生煎包一定要細粒，爆湯汁，勁脆底。其實上海也有這種比較大件的，我兩款都鍾意，後者就多了童年回憶。
點了個「傳統芝麻大餅」$128，因為好奇，想知為甚麼一個餅可以賣咁貴？！點了才知原來是舖頭旳名物。
「老雪園」部份菜式，如樟茶鴨有驚艷，小菜價錢不算平宜。服務水準正路無伏，因為店員會說上海話，令我家人份外覺得親切，大家吃得開心，自然幾貴都值得。
「老雪園」
地址︰灣仔摩理臣山道23號南洋酒店地庫一層
電話︰3705 9136