潮流興，多花款。
打邊爐周圍有，餐廳亦要引入新花臣以維持新鮮感。前幾年雞煲成為熱潮，而最近受矚目的海南風味 - 椰子雞湯鍋，以椰子水、椰皇肉、文昌雞加入邊爐的吃法，標榜滋陰養氣不上火，相信讓各位「滾友」可以一年四季繼續滾。
上個月同班飲食爛腳去「稻香」打邊爐，也見有椰子雞湯底，$90 一鍋連一隻雞，可以話係好平：
邊爐會跟桔仔及沙薑醬，其他調味料就自己出面 DIY。
雞肉熟了如擦字膠，最大問題係湯底味精太多，吃上來很超口渴，就算生料幾靚都煞風景。。。
其實各樣生料都不錯，「安格斯肥牛」$128，雪花紋理漂亮，若能浸在鮮味湯底，定能獨當一面。
「羊肉片」$48 夠羶，就是喜歡羶味才吃羊啊。
「黃金脆竹卷」$20 就是響鈴，非常平，腐皮味道還不錯：
「美國牛小排」$48
另外點了桶蠔、手打鮮蝦丸、墨魚丸、脆魚皮、一堆菜等等....
每人加$14，可以任飲飲品。
滔滔話：「打邊爐最重要係個爐」，我想第二重要應該是湯底。若湯底味精太多，即使食物再好也是枉然吧 ? !
「稻香超級漁港」
地址︰銅鑼灣告士打道311號皇室堡5樓
電話︰8300 8162