合作企劃

2016年9月18日星期日

2016-09-19 追月酬賓週 - 出外食蒸魚點叫?


一年容易又中秋,咁就過咗。今年大家係咪食咗好多蛇齋餅糭呢?我就沒咩特別,趁長假期休息一下,都係到處走走䟪䟪,食下嘢咁啦。




開心 share 一餐喜慶飯賀賀佢。「名都酒樓」,同「聘珍樓」屬同一日本飲食集團,喺香港都廿幾年歷史。以前中午成日去飲茶。



 呢餐晚飯黎嘅。「脆皮乳豬」,顏值度相當低。。。好在脆皮度還不錯:



「鴛鴦泡蝦球」, 旁邊的是沙律蝦球。我本人不嬲麻麻哋沙律醬撈海鮮,中間的油泡蝦球就好得多。其實食海鮮萬變不離其宗,只要食材新鮮,最簡單的煮法已經夠好,這個道理簡直要納入做通識科。


「髮菜瑤柱甫」,唔使過年都食到的餸菜,好似楊岳橋同玉娥姐「黃金交叉點」張合照,絕對是萬能 key,幾時食同邊個食都有得食:



「清蒸海斑」



食魚我比較怕吃巨大條的,會難掌握蒸的時間,火猛d、隻鑊大d、碟厚d 都有影響。誰又會想吃肉如老人臉般乾的 overcooked 魚肉呢?!小弟心得是:一般而言,最好是挑每條12至14両重的魚或斑來蒸,若果多人吃的話寧願蒸兩條,千祈唔好貪魚大,超過一斤的就已經需要很好的時間掌握。大家記住12至14両在大部份情況下都應該穩陣。

「蟲草花猴頭菇燉瘦肉」



蟲草花近年大熱,冬蟲草貴呀嘛,蟲草花個名又好聽。其實蟲草花是一種菌類,營養成分都唔低,可以調節免疫力及養生。強身健體就好喇!飲多兩碗先。。。



「脆皮炸子雞」



好,下集繼續分享同大酬賓!


「名都酒樓」
地址︰金鐘金鐘道95號統一中心4樓
電話︰2865 1988
營業時間︰星期一至日 08:00-22:30





若你喜歡此部落格,也請你 like 一 like,感激!

沒有留言:

發佈留言

Related Posts Plugin for WordPress, Blogger...