昨天的心情糟透，係時候要轉一轉個 mode！「坦擺說」，好吃的東西有不少，其實吃過難吃的更加多，也儲了好一大堆照片在手機內。。。今次不如老實不客氣，post 幾張來個「金話莓」系列，唔開名啦，懶得找，大家各自演繹各位得獎者啦。
這間蛋糕店很神奇，蛋糕外表好像很亮麗，但午餐的鹹點難食到不得了，如果唔係趕時間，諗住快食快閃，我都唔會幫襯啦。用微波爐叮完，乾如柴皮的三文治：
某間潮州魚蛋鋪，真係睇住個越做越衰，賣成$30一碗，湯底淡如開水，魚冇魚味，真係撞鬼你：
車仔麵一向是我喜愛的食物之一，但易找好食難求，尤其是遇到 hea 做的粉麵舖，成 pat 漿糊咁，想點先？！
有晚外賣了個蒸飯回家吃，見到真係即刻飽晒。。。這個是章魚肉餅飯啊喂：
瘦都唔緊要，仲要鹹到離晒譜，真係要忠告大家，有腎病的別來，冇腎病的少來！
今次鬧住咁多先，慳返淡氣，過埋個 happy Friday。。。