牛腩人人食過，卻唔係人人識得分。上星期六去完旺角「先達」買 earphones ，我就去了對面的「潮成園」食「崩沙腩」。
食牛腩我通常喜歡叫「崩沙腩」，它是牛肚皮的腩位，面積小及有塊薄軟膠質，爽軟而不硬，極品。
若沒有「崩沙腩」，退而求其次的選擇則是「坑腩」，即牛胸前八支骨的部位，肉是三分肥七分瘦，雖則沒有軟膠質，牛味卻最濃，且通常平過「崩沙腩」，也吃得過。
若連「坑腩」都賣哂？咁乾脆轉叫「牛筋」，無謂硬要肚皮受罪。
誰又會想吃乾柴柴的牛腩肉呢？
今次再光臨，環境沒升呢，水準卻依舊好，五香腩河是又平又經典。環境麻甩加搭枱，無問題。
雖然它主打手打魚旦，牛腩倒是我覺得比魚旦更出色，當然也因為我是牛痴啦！「潮成園」的「崩沙腩」炆得好，每次來到必食。普通牛腩$27，崩沙腩就$36，錢值加：
我通常個湯都會係加腩汁，粉掛湯，是整碗粉的靈魂所在呢。
其實只要材料靚，腩能吃出五香入味和質感，就夠好，若果有牛骨湯熬製的湯就當加分 bonus。不如搵一集「開心日報」主題講吃牛腩不同的部位，不知大家有興趣否？XD
「潮成園手打魚蛋大王」
地址：旺角通菜街109號地舖
電話：2784 1989
營業時間：星期一至日 06:00-04:00