【馬拉菜】咖喱系滋味喇沙 (唔好點雞)

又來找數時間。感謝早前同事 J 先生的幫忙，應承要請他吃飯道謝，他挑選了吃食馬來西亞菜。

香港人一向鐘情吃東南亞菜，星馬泰菜系均各有特色，亦已相當入屋及對港人胃口。現在沒辦法去當地旅遊，就味蕾先行，我倒是非常歡迎這個選擇。

「Mee...Lemon Grass」算是連鎖餐廳，以前有間叫做「Lemon Grass」，不知兩者是否有關係。門面寫着「馬來喇沙 • 海南雞飯專門店」，那就每樣來一份吧，以下全部包茶、檸、啡一杯。

我的「Mee...喇沙」$78，屬於咖喱系喇沙：

看外貌對板，有豆卜、魚蛋、魷魚、中蝦、沙蜆、雞蛋等：

在沒有特別要求下已用上「摻摻」，即是傳統風味的油麵加米粉，這點已有加分：

其實咖喱喇沙是由馬拉人、華人、娘惹菜系等不同文化混合出來的美食，此湯頭是加了椰奶的咖喱湯，味道甚濃郁，有下過功夫，豆腐卜索盡湯，寶也：

在我心目中正宗馬拉咖喱叻沙配料會多使用海鮮，有獅蚶就更正斗，這裏用上沙蜆代替，也足見有誠意，呢個價錢也算值：

J 先生的「招牌無骨海南雞飯」$78

試吃了少許，對比之下，於早前在「香港九龍貝爾特酒店」午餐吃到的實在差太遠 (相關舊文)，雞肉相當鞋，賣相也可以拼得整齊一點：

菜心乾巴巴，白汋咁，汁醬是泰式甜辣醬？！油飯不夠香，整體大攬炒味道甚濃。。。

兩項都是招牌菜，落差卻非常大，個人建議若果以無骨海南雞作主打，由頭至尾都要重整，這樣才會有返頭客，一係就唔好做雞啦，專心做好喇沙囉。

下集繼續！

「Mee...Lemon Grass」
地址：九龍灣宏照道38號MegaBox 11樓11號舖
電話：2388 8284
營業時間：星期一至日 11:30-22:00

若你喜歡此部落格，也請你 like 一 like，感激！

https://www.facebook.com/siuyeahdragon