龍少爺 : 我的復活節假期

2020年4月13日星期一

一連四天復活節假期眨吓眼就過去，大部份時間都是宅在家，也沒有去行山。相信而家假日郊野公園，是多人過商場吧？！

上星期五，公眾假期第一天。做完電台節目「開心日報」，就去了尖沙咀食飯，叫做自己慶祝一下復活節。

在新冠肺炎疫情持續下，相信沒有人是不受影響，尖沙咀商場人流非常少，有能力就盡量支持餐飲及零售業啦。

想食西餐，挑了「Dan Ryans」。而家因為餐廳只准人客一半滿及每張枱要隔1.5米，食客自然疏落。。。型單隻影的復活兔仔：

我很喜歡兔仔，IG 也 followed 了很多兔仔 accounts。這隻旁邊有支酒精搓手液，某程度反映了現時複雜的心情，大家也只好苦中作樂吧：

想吃辣，先叫了碟 Nachos 刺激一下，也順道開一開胃：

此墨西哥粟米片，配芝士、牛油果醬、蕃茄沙沙、青辣椒、黑橄欖粒，混合一齊來食，係可以食唔停口嗰種：

(似食零食「小老闆」紫菜，每次食都係停唔到口，有無人有同感？？)

另外點了個芝士千層麵：

其實食完成兜 Nachos 已經半飽，我覺得是有點多了，味道是好的，食到捧住個肚皮走。我諗呢餐加埋成幾千個卡路里，最後晚飯都無食。。。

復活節代表重生，我們的地球又幾時可以從疫情走過來重生？補祝大家，復活節快樂。

「Dan Ryan’s Chicago Grill」
地址︰尖沙咀廣東道3-27號海港城海運大廈3樓OT315號舖
電話︰2735 6111
營業時間：星期一至日 12:00-21:00

若你喜歡此部落格，也請你 like 一 like，感激！