合作企劃

2019年5月14日星期二

《港台節目》開心日報 - 平吃滋補骨膠原菜


分享一下剛在 RTHK 1 開咪做的「開心日報」,今集拍檔有超人、Ada、桂林哥,主題是「平吃滋補骨膠原菜」。



開咪當日是母親節前夕,女士們一聽到「骨膠原」三個字,即時心心眼,因為可令皮膚更彈性緊緻,所以就來一集介紹吓。


其實想令身體製造骨膠原,在日常飲食攝取蛋白質、維他命C等已可以。咁當然,中國人相信「以型補型」,有又平又好味又幫到手的,就最好不過啦!

先來介紹花膠扒,Ada 話感覺自己整花膠會好麻煩,我個人是同意的。呢個 $42 仲有兩隻日本冬菇,真係出街食好過自己整。。。



這間小店老闆說,花膠是用歐洲海域的鱈魚膠,浸發後用鮑汁、蠔油等醬料燜過夜。

桂林哥問,所謂「一分錢一分貨」,賣咁平會唔會來貨冇咁靚?其實歐洲海域的鱈魚花膠不算是頂級,不過也可以滿足一般想吃花膠的慾望,尤其此店吃得出用花膠公,質感較彈,發頭也大,每塊夾起大概有一部手提電話咁長:



跟著有超人最愛 - 醉豬手:


唔好以為豬手一定係「男人的浪漫」,原來佢都有美容抗衰老功能,因為它的肉類膠原蛋白質在烹調過程中會轉化成明膠,可以幫助皮膚組織細胞鎖水功能,延緩衰老。最緊要唔好煮得太油膩,也可以是「女人的浪漫」XD


另一樣女人的恩物 - 桃膠,可謂「平民燕窩」。桃膠紅棗雪蓮糖水 $28:


桃膠滋陰養顏,價錢極親民,平均100克才 $50元左右。超人講得啱,其實桃膠是桃樹皮裂開,所流出的樹脂液,遇空氣凝結後,會成為硬身晶體,就是桃膠。

經浸泡烹調後,口感似蒟蒻,由於桃膠含有豐富的植物性膠原蛋白,具嫩滑肌膚及增加皮膚彈性效果,兼通血脂降膽固醇,難怪廣受 OL 歡迎,我都有在節目中介紹 Ada 食 XD



最後介紹了都係超人至愛 - 慢煮牛筋 $40



牛筋用滷水汁燜製,入口即溶,滿滿的骨膠原。原來牛筋含豐富膠原蛋白質,脂肪含量也比肉低,並不含膽固醇,能增強細胞生理代謝,使皮膚更富有彈性和韌性,延緩皮膚的衰老,有助青少年生長發育和減緩中老年婦女骨質梳鬆的速度,真係大人細路都啱食!

好喇,今集分享到此為止,嚟緊會繼續發掘更多有趣飲食和大家分享。節目重溫:


大家繼續多多支持 FM92.6-94.4 RTHK 1 ,逢星期一至五,朝朝十點四,「開心日報」,下集見!👋🏻


沒有留言:

發佈留言

Related Posts Plugin for WordPress, Blogger...