眨吓眼又到月尾回顧的一天，雖然農曆新年已過了一陣子，三月份仍然喜氣洋洋，吃到不少春茗及開年飯呢，就等開心的氣氛繼續蔓延下去，去片！:-)
===============
三月一日 · 睛
「香港餐飲聯協會春茗」
第二年參加這個盛會，見到很多餐飲業的好友們呢，仲要見佢哋上台載歌載舞，又有財神派利是，氣氛超爽！
「鴻運乳豬」
「發財好市大利瑤柱」
「海皇燴燕窩」
「蠔皇原隻六頭鮑魚」
「清蒸海星斑」
「當紅脆皮雞」
祝各位大哥大姐繼續生意興隆，令食客口福無窮！(押韻架)
===============
三月二日 · 涼
「威靈頓牛扒」
我有個同事的太太，很喜歡吃威靈頓牛扒，之前我同事就問過我有什麼好介紹。這晚到了「來佬餐廳」與合作夥伴開會，就吃到一個不錯的威靈頓牛扒：
酥皮很鬆軟，牛扒肉嫩帶肉汁，不錯啊。
「薑蔥炒雞柳」，香口好下飯：
熱辣辣的「灌湯餃」
還有我很喜愛的「菠菜餃」，內裡菠菜非常足，相信連「菠菜蓮」也會喜歡噢。。。
===============
三月十一日 · 睛
「齊齊撈起開年飯」
每隔一段時間和一班 NOW TV 好友們就會約出來飯聚，雞啄唔斷，次次都傾到餐廳打烊先捨得走 :-D 農曆年梗係要聚一聚，特別挑了去美心皇宮吃「撈起」。
每年來吃「撈起」，侍應們都會一邊下材料一邊講好意頭的說話，跟住我哋就會係咁撈撈撈，越撈越高出晒界咁囉，哈！
材料有三文魚、鮑魚、大量蔬菜絲，醬料落了檸檬汁，很醒胃。
「花膠炆蠔皇鮑魚」(連撈起，$798)
「金銀蛋浸時蔬」$78
甜甜蜜蜜的「水晶包」$22，「薑汁雙皮奶」$28
各位靚仔靚女們，繼續大紅大紫，接 job 接到手軟！
===============
三月十二日 · 睛
「博客春茗」
今年則是我第一年參加這個活動，認識了很多媒體朋友，大家今年工作順順利利啊。我這晚最開心梗係抽中咗份大奬啦，羊年繼續鴻運當頭！:-)
掛住周圍走同朋友傾計，食物比較隨影，「錦繡五福大拼盤」
「瑤柱竹笙燴雞絲」，沒有魚翅的，支持
「富貴蚌片炒蝦球」
「清蒸大星斑」
「脆皮燒雞」
還有好幾項菜式，掛住傾計沒有影相，是挺熱鬧的一晚！
===============
三月十七日 · 睛
「味遊巴黎」
替好友柏希補足生日，到了「Cafe de Paris」
其實我對這間餐廳有點情意結，因為想當年處男第一次幫雜誌拍飲食特輯，其中一間就是此餐廳，當年還認識了該餐飲集團的公關 C 小姐，現在已成為我要好的朋友呢，這就是相識的緣份。
「煎蟹餅伴蒜香蛋黃醬」$128，蟹肉很足，而且沒有令人討厭的蟹殼，值得一讚。
「烤安格斯西冷牛扒」(10 oz) $278，點了半生熟的程度，烤得剛好帶焦，而且我喜歡它面頭一大塊熔了的牛油，很香口，雖然肥咗D，都係食咗先講。。。
「傳統法式煎龍利魚」$208，魚肉嫩，味道OK的，但就非常多魚骨，有點煞風景。
整體服務仍是不錯，繼續有下次。
===============
今日分享住咁多先，大家好好 enjoy 嚟緊的復活節長假期啦 ! ^^
「煌府婚宴專門店」
地址：尖沙咀彌敦道100號 The One 13/F
電話：2180 6178
「來佬餐廳」
「美心皇宮」
電話：2513 1996
「御苑皇宴」
地址：尖沙咀金巴利道26號二樓
電話：2722 6768