合作企劃

2016年12月2日星期五

2016-12-01 風騷金燕玲 - 一個人的晚餐

小弟現正身在英國倫敦學廚,此文寫於倫敦凌晨,有點雜碎,莫見怪。

(大家若想注意我在倫敦最新動態,可以留意 Facebook Page  www.facebook.com/siuyeahdragon )



話說在我屋企附近有一個小酒館,自成一角在叢林中,有很多老外顧客去幫襯。酒館的老闆娘很好人,大約是中年的香港人,風騷友善,有點似再靚啲的金燕玲。

餐廳其他侍應都很健談,多數是菲律賓籍的朋友 (?!) 去多幾次,自然熟絡起來,有時屋企無飯開,就會落去吃「一個人的晚餐」,叫杯餐酒,用 Wifi上下網睇電視、YouTube 啊咁,消磨時間。

黃昏後心情時好時壞,都反映在點的食物裏。有些人心情不好會大吃大喝,我反而相反,心情糟透會無胃口,就會叫個「羅宋湯」,有我最討厭的墨西哥豆,真好,一個餐包就一餐:


如果肚餓,就會叫「三文魚凱撒沙律」,我一定會走沙律醬,另外配意大利黑醋橄欖油。其實味道唔係好夾呢,叫求其一餐。


心情好的時候反而我會大吃大喝,「漢堡包」配炸薯條,牛扒燒到半熟,邊吃邊與侍應們傾計,咁就一晚。



其實佢啲「炸薯格」係仲好食過炸薯條,脆卜卜:


呢間餐廳其中出名的是咖喱。好多時「風騷金燕玲」都會推介以下幾款,「咖喱雞」配印度普通薄餅:



「咖喱魚肉」就配飯,魚肉煮到腍晒,用來撈飯最好。


「咖喱羊肉」就配印度蒜蓉薄餅,話會香上加香,我覺得反而蒜蓉搶咗羊肉嘅味道,不過「風騷金燕玲」話係就係啦。


相反,呢味就唔得啦,「印度燒雞炸薯條」,有我最憎的沙律醬,食落口又乾柴柴,唔掂唔掂。


有時肚餓起上嚟,我就會叫「紅酒炆牛尾」,炆得好入味啊。



唔夠飽?加個「炒雜菜」,晚飯啱啱好。


另一項「卡幫尼意粉」就煮得一時時,有時太濃太膩,食完有想吐的感覺。。。



話哂呢間都係小酒館,都會有啲送酒小吃,我見好多老外顧客有食喎。「炸魚片頭」佢哋都識叫,一定又係老闆娘推介。。。



「燒豬頸肉」我就覺得麻麻地,又係燒得太乾,好少豬頸肉會燒得唔好食的。。。


呢樣反而我幾喜歡,「串燒沙嗲」有齊豬、牛、雞,一邊食串燒,一邊飲返杯,一邊睇 Youtube,就係我最大的放鬆娛樂 :-)


是日雜碎分享完畢。




若你喜歡此部落格,也請你 like 一 like,感激!
Related Posts Plugin for WordPress, Blogger...
合作企劃